Претходно
4 кучешки раси што без проблем можат да живеат и во стан без двор
Вие би сакале куче повеќе од сè на светот, но постојано се премислувате бидејќи немате простран дом. И не само тоа, туку живеете во стан без пристап до двор и едвај имате место за самите вас – како би можело да се справи едно енергично куче со оваа атмосфера? Не грижете се! Постојат неколку видови кучиња што совршено ќе се вклопат и во вашиот мал дом. Еве за кои станува збор…
1. Кавалерски шпаниел на кралот Чарлс
Се сеќавате на Елизабет Тејлор, кучето на Шарлот од Сексот и градот? Токму на тоа мислиме! Оваа раса не расте многу и достигнува тежина од 4 до 8 килограми. Кучињата вообичаено се пријателски настроени, подготвени да направат сè за да бидете среќни и совршено се согласуваат со мали деца и други кучиња.
2. Француски булдог
Како додаток на нивната мала, компактна природа, овие слатки крзнени топчиња имаат и пријателски карактер. Тие најчесто се најзаинтересирани за лежење на каучот, каде што попрво би го минувале своето време отколку во парк за кучиња.
3. Мала пудлица
Не, не станува збор за кадифена играчка! Овие пудлици се толку мали, што нема да ви се верува дека се вистински кучиња. И токму поради својата големина немаат потреба од многу надворешно вежбање бидејќи се раздвижуваат доста и трчајќи меѓу ѕидовите на станот.
4. Мопс
Зарем би можеле да го одбиете ова лице? Најчесто со тежина од 4 до 8 килограми, овие разиграни кучиња ќе ве смеат секојдневно. За разлика од другите мали раси, тие се многу тивки, па затоа и соседите најверојатно нема ни да знаат дека сте зеле куче.
Дознајте и кои се најверните раси кучиња.
