Претходно
3 грешки што ги прават луѓето кои сакаат да запознаат нови луѓе и да се дружат
На некои луѓе им е полесно да се дружат и да запознаваат нови луѓе. Но, сосема е нормално запознавањето да стане потешко со текот на годините. Постојат неколку причини за тоа и сите тие се поврзани со промените што се случуваат во текот на животот. Повеќе обврски, различни навики и желби и поинаков начин на живот – сето тоа придонесува за помалку можности за запознавање нови луѓе. Но, и некои одредени заблуди ве спречуваат да запознаете нови луѓе, а во продолжение прочитајте кои се трите најчести заблуди кога станува збор за барањето пријатели и запознавањето нови луѓе.
Запознавањето и стекнувањето пријатели е иста работа
Многу луѓе ги запоставуваат пријателите на своите пријатели и во случаи на дружење со нив, често не ја користат можноста да ги запознаат подобро. Исто така, луѓето често мислат дека социјалните мрежи не се одлична алатка за подобро запознавање на луѓето. Но, тоа не е вистина. Во зрелоста, одлично е да запознавате пријатели на вашите пријатели за да можат и тие да станат ваши добри пријатели, а социјалните мрежи се одлични за зближување со луѓето што веќе сте ги запознале.
Одржувањето и стекнувањето пријателства е лесна работа
Во никој случај не треба да чувствувате тежина поради пријателствата, но тоа е однос за кој треба да се трудите. Едно истражување од 2009 година открило дека луѓето кои мислат дека пријателствата се родени случајно се многу поосамени од оние кои мислат дека за пријателствата треба да се вложи многу труд.
Секој треба да има најдобар пријател
Пожелно е секој возрасен човек да има барем еден пријател на кој може да се потпре во тешки ситуации, но тоа лице не мора да ја добие етикетата најдобар пријател. Исто така, ако имате повеќе луѓе со кои се дружите долго време, на кои можете да сметате и на кои секогаш ќе им помагате, не мора да издвојувате еден од нив како најдобар.
Прочитајте како да им помогнете на вашите пријатели да ја надминат кризата низ којашто минуваат.
