Претходно
15 цитати од Марвел што ќе ви помогнат да го најдете суперхеројот во себе
Компанијата за стрипови Марвел е основана од Мартин Гудман во 1939-та година и на почетокот била позната како Timely Publications. Оттогаш, Марвел не престанува да нè забавува.
Универзумот на Марвел ни претстави илјадници херои и негативци, па речиси невозможно е да одберете омилен лик. Најдоброто е што покрај стриповите, сега можете да уживате и во одличните филмови со вашите омилени јунаци. Секоја приказна од Марвел носи во себе животна лекција и се обидува да ги објасни однесувањата на луѓето, но и ве тера да размислите што би направиле доколку би имале супермоќи – дали би биле херојот или негативецот? Па земете ја вашата наметка, бидејќи следниве 15 цитати ќе ви дадат ваш сет супермоќи.
„Силата на оваа држава не е во градбите од тули и челик. Таа е во срцата на оние кои се заколнале да се борат за нејзината слобода!“ – Капетан Америка
„Ако нема ништо друго освен она што го правиме ние во овој свет, тогаш да го направиме тоа добро!“ – Бета Реј Бил
„Кога ќе одлучите да не се плашите, ќе најдете пријатели на навистина неочекувани места.“ – Госпоѓица Марвел
„Вратата е повеќе отколку што изгледа. Таа ја одделува личноста којашто сте од личноста којашто можете да бидете. Не мора да одите низ неа… Можете да трчате.“ – Френклин Ричардс
„Насилството не дискриминира. Тоа доаѓа студено како зимски ветер и ве остава со студ што не можете да го отстраните.“ – Дердевил
„Интелигенцијата е привилегија и треба да се користи за поголемото добро на луѓето.“ – Доктор Октопус
„Само затоа што некој се сопнува и го губи својот пат, не значи дека не може да биде спасен.“ – Професор Икс
„Ако го затворите ѕверот, ѕверот ќе стане гневен.“ – Вулверин
„Ниту еден човек не може да ја победи секоја битка, но ниту еден човек не треба да се предаде без борба.“ – Питер Паркер
„Вербата е мојот меч. Вистината е мојот штит. Знаењето е мојот оклоп.“ – Стивен Стрејнџ
„Светот се менува. Наскоро ќе ги има само победените и победниците. Ти си добар човек со добро срце. И тешко е за добриот човек да биде крал.“ – Кралот Т’Чака
„Светот е полн со зло и лаги и болка и смрт и не можете да се криете од нив. Можете само да се соочите. Прашањето е, кога ќе се соочите, како ќе реагирате? Кој ќе станете?“ – Фил Коулсон
„Што и да се случи утре, мораш да ми ветиш едно нешто. Дека ќе останеш оној којшто си. Не совршен војник, туку добар човек.“ – Капетан Америка
„Хероите се создадени од патот што го избираат, не од моќите со кои се благословени.“ – Железниот човек
Прочитајте ги и овие филмски цитати кои ќе ве замислат за животот.
