Претходно
12-те најчудни карактеристики на интровертите
Интровертите речиси секогаш имаат лоша репутација. Ако некој дознае дека сте интроверт, веднаш помислува дека не сакате луѓе или дека сте премногу срамежливи. Понекогаш тоа е вистина, но оваа особина крие многу повеќе. Погледнете некои од најчудните карактеристики на интровертите.
1. Ја сакаат приватноста, но сакаат и да го кажат своето мислење
Интровертите обично се луѓе кои навистина ја ценат својата приватност и не откриваат многу за нивниот личен живот. Но понекогаш навистина сакаат некој да им постави прашање во врска со животот.
2. Изгледаат смирено додека се „распаѓаат“ однатре
Интровертите одлично ги кријат своите чувства од другите. Навистина е тешко да прочитате за што размислуваат. Многу често се преправаат како сè да е во ред, кога всушност им се руши целиот свет.
3. Сакаат да останат дома, но сакаат и вистински да се забавуваат
Интровертите уживаат во времето кое го поминуваат со себе. Па седењето дома во петок навечер за нив е совршено помината ноќ. Но понекогаш сонуваат да излезат со многу луѓе. Сепак, кога ќе им се пружи таква можност, често го менуваат мислењето и се враќаат во својата школка.
4. Со пријателите се луди и забавни, а со странците се срамежливи и тивки
Поради ова малкумина го знаат вистинскиот карактер на интровертите.
5. Сакаат да се дружат со партнерот или пријателите, но не сакаат да се социјализираат со нив
На интровертите им е доволно малку социјална интеракција во текот на денот. После тоа сакаат мир и тишина, но сепак сакаат да бидат со пријателите или партнерот.
6. Најдобро се изразуваат преку пораки
Многу често интровертите се вистински интелектуалци кога комуницираат преку пораки. Но, кога ќе се сретнат со некого може да им биде навистина тешко да кажат што било.
7. Имаат премногу длабоки мисли, но не знаат како да ги споделат
Интровертите често сакаат да ги споделат своите мисли но малкумина можат да ги разберат. Понекогаш дури и тие самите не можат да ги сфатат мислите што ги имаат.
8. Го знаат одговорот на секое прашање на наставникот, но никогаш не го кажуваат
Колку и да биле сигурни за одговорот, интровертите речиси никогаш не го кажувале на глас. Помислата дека сите ќе гледаат во нив додека зборуваат, може да им биде навистина застрашувачка.
9. Сакаат сè да прават сами, но не сакаат да бидат осамени
На интровертите им е сосема добро кога работат сами, но понекогаш може да се чувствуваат осамено. Оваа осаменост се појавува ненадејно. Иако уживаат кога работат сами, понекогаш им е потребно друштво.
10. Сакаат утеха, но истовремено сакаат и да ги оставите на мир
На интровертите им се допаѓа помислата дека има на кого да се потпрат во тешките моменти. Но најчесто сакаат утехата да им доаѓа оддалеку.
11. Сакаат длабока поврзаност, но тешко им е да се отворат
Интровертите сакаат да се поврзат со своите блиски, но навистина им е тешко да зборуваат за себе со другите.
12. Сакаат спонтаност, но имаат и потреба од планирање
Иако понекогаш имаат навистина слободен дух, интровертите сепак имаат желба да планираат пред да направат нешто. На овој начин ја имаат контролата додека му дозволуваат на универзумот да им го покаже патот.
Погледнете ги и знаците кои покажуваат дека сте вистински интроверти.
