Претходно
12 факти што сигурно не сте ги знаеле за анимираниот филм Замрзнато (Frozen)
Анимираниот филм Замрзнато дефинитивно успева да привлече сечие внимание, а откако ќе го гледате еднаш, ќе посакате уште еднаш, па уште еднаш… Лесно може да стане ваш омилен филм и да го знаете секој негов детаљ. Но, сигурно не сте ги знаеле овие скриени факти од зад сцената. Во продолжение прочитајте некои од нив.
1. Тим од 50 луѓе работеле на технологијата за сцената каде што Елса ја гради палатата од мраз. За да се создаде една рамка од сцената биле потребни 30 часа. Спротивно на тоа, на Елса во филмот ѝ требаат околу 36 секунди за да ја создаде целата палата.
2. Аниматорите биле на самит за сестринството за да разберат какви се односите помеѓу сестрите. Ова им помогнало да ја направат посилна врската помеѓу Ана и Елса.
3. Во една верзија на филмот, по крунисувањето, Ханс ѝ дал на Ана снежна топка, но идејата пропаднала.
4. Во почетокот постоела соблекувална помеѓу спалните соби на Ана и Елса. И покрај тоа што на публиката ќе ѝ било овозможено да гледа повеќе интеракција помеѓу двете сестри, аниматорите мислеле дека најдобро е да ги разделат, откако Елса случајно ја повредила Ана со нејзината моќ.
5. Официјалниот грб на кралството се нарекува качунка. Тој е симбол на повторното раѓање и пролетта, а гледачите постојано мислат дека тоа е само убав цвет.
6. Војводата од Веселтон првично бил замислен како кралски управувач на Ана и Елса, но, како што напредувала приказната, режисерите ја промениле неговата улога. Аниматорите требало да го одвлечат вниманието од Ханс, а војводата од Веселтон бил совршен за тоа.
7. Крис Вилијамс, кој го зборува ликот на Оакен, станал режисер на филмот Големиот херој 6 (Big Hero 6).
8. „Снежната кралица“, приказната на Ханс Кристијан Андерсен врз која се базира овој анимиран филм, првично била развиена од Волт Дизни во 1939 година.
9. Кога Ана станува целосно замрзната, може да се забележи снегулка, потписот на Елса, во нејзиното око.
10. Уметниците на Дизни морале да посетуваат курс по метеорологија, за да се запознаат со снегот и со формирањето снежни кристали.
11. Кога Сантино Фонтана бил на аудиција за улогата на Ханс, тој ја пеел песната „I Feel Pretty“ од филмот Приказна од западната страна (West Side Story).
12. Елса има повеќе влакна на косата отколку Рапанзел. Рапанзел можеби има околу 20 метри долга и блескава коса, но косата на Елса содржи 420.000 влакна.
