Претходно
Симпатични подвижни фотографии
Датум: 22 апр 2011
Њујоршкиот моден фотограф Џејми Бек, во соработка со Кевин Бург, кој е веб-дизајнер со искуство во подвижна графика и видео обработка, креирале серија од прекрасни анимирани фотографии, кои ги нарекуваат „cinemagraphs“.
Во неколку од нив, има позирано канадскиот супермодел Коко Роча, поради што фотографииве бааги го привлекле вниманието на медиумите. Според Роча, овие „кинемаграфии“ се повеќе од фотографии, но помалку од видео.
И покрај тоа што концептот за создавање анимирани GIF фотографии е стар и веќе виден, анимациите кои досега сме ги виделе на интернет, најчесто биле невкусни и прости. Анимираните фотографии на Џејми Бек од друга страна, имаат фантастична атмосфера, која ја воздигнува уметноста на создавањето фотографии во GIF.
Целта на Џејми Бек е да внесе движење во одредени делови од фотографијата, за да го фати временскиот момент, но и да ја „одмрзне“ фиксната фотографија, на начин што ќе го улови минливиот момент.
„Сметаме дека дека ваквиот тип подвижни фотографии може да има многу возбудливи употреби. Постои движење во сè и со ловење на тоа движење, во комбинација со убавината на обичната фотографија, можете да го искусите она што го нуди видеото, без големиот ангажман кој видео обработката го бара“ – вели Џејми.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
wow! Lovelyyy!
ne mi se veruvaaaaa kolku e ova dobro!
prejaki fotografii
Браво!!! 😀