Претходно
Како изгледа зрно песок, кога ќе се зголеми за 250 пати?
Датум: 08 авг 2011
Кога ќе се погледнат за 250 пати поголеми од реалната големина, зрната песок имаат фантастична, колоритна структура и се уникатни како снегулките. Погледнати низ микроскоп, тие потсетуваат на делови од кристали, парчиња од спирални школки и ронки од вулканска карпа.
Професорот Гери Гринберг, „виновникот“ за ова неверојатно интересно откритие, кој има докторат по биомедицински истражувања на Универзитетскиот колеџ во Лондон вели:
„Навистина е неверојатно кога ќе помислите дека шетајќи по песочна плажа, всушност газите по овие малечки волшепства.“
Проф. Гринберг, прегледува илјадници песочни зрнца, користејќи игли за акупунктура, за да ги пронајде и организира најсовршените примероци. Откако ќе ги пронајде, го слика секое зрно поединечно, а потоа ги комбинира со помош на специјален софтвер. Тој потрошил неверојатни пет години, шетајќи ја планетава Земја, за да пронајде маркантни зрна песок, како овие на неговите фотографии.
„Екстремно зумираните фотографии, најчесто имаат многу плитка длабочина, па затоа морав да развијам нов процес за да ги направам како што сакам. Правам дузина фотографии од различни агли. И покрај тоа што фотографиите делуваат едноставно, за секое зрнце песок може да ми бидат потребни неколку часа за да го фотографирам на начин со кој ќе бидам задоволен.“
„Плажата која е најблиску до мојата лабораторија е Хаику на Хавајските острови, но на моите слики гледате песочни зрна од целиот свет, од Јапонија до Ирска.“
Фотографиите на професор Гери се достапни за гледање на неговиот веб-сајт www.sandgrains.com, а неговата книга „А grain of sand“ може да се купи од amazon.com.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
WOW prekrasno!