Претходно
Ултрапренослив лаптоп на превиткување
Датум: 04 мај 2011
Коментари: 0
Вообичаено е лаптопите да се превиткуваат на средина, помеѓу тастатурата и екранот. Лаптопот Feno го крши тоа правило, па додава уште една оска на превиткување, и тоа по средината на екранот.
.
„На почеток, инспирација ми беше примената на леснина и елеганција во уредите за комуникација. Како можете да направите помал производ, но не и помалку практичен?“
Feno е концепт на дизајнерот Нилс ван Хоф. Благодарение на новата технологија на флексибилни OLED екрани, лаптопот е компактен, а димензиите што ги добива кога е превиткан, го прават ултрапрактичен за во движење. 
Згора на сè, во самиот лаптоп е содржано глувче, кое „скокнува“ од страна по потреба на корисникот. Благодарение на отсуството на стандарден тач пад, површината на тастатурата целосно се користи за ергономично искуство при типкањето.
