Претходно
Со ова пенкало можете да цртате во 16 милиони различни бои, преземени од реалниот живот
Новото пенкало „Cronzy“ е остварување на сонот на секој илустратор. Пенкалото може да создаде над 16 милиони бои за само неколку секунди, а секоја нијанса се одбира или преку апликацијата за смартфонот која е синхронизирана со блутут или пак, преку реалната околина. Доволно е само да го насочите пенкалото кон одреден објект за тоа да ја преземе неговата боја и потоа може да се црта директно на платно, тефтер или кожа.
Секој уред може да се најде во сива или црна боја, со сопствен полнач – батеријата трае и до 7 часа. Во пакетот се наоѓаат и два сета палети со бои, измешани со прецизни механизми и алгоритами за најширок спектар, како и 5 различни врвови со кои можете да ја менувате дебелината на мастилото. Самата апликација исто така нуди голем број кул функции, овозможувајќи ви да ги запомните најчесто скенираните бои од вашата околина, па дури и да ги споделите со останатите.
Сигурно и вие би се согласиле дека можностите на ова пенкало се бескрајни! И без сомнение би сакале да го имате крај себе…
