Претходно
5 апликации и додатоци за ајфон кои мора да ги имате
Датум: 31 јул 2012
Коментари: 0
Тагови: апликација, ајпад, ајпод, ајфон, гаџети, додаток, здравје, крвен притисок, робот, топка, фотографии
Појавата на ајфонот дефинитивно направи огромна промена во нашите животи и како што поминува времето сè повеќе и повеќе ја буди креативноста кај луѓето. Погледнете ги наредниве неколку одлични апликации и додатоци кои секојдневно привлекуваат нови корисници од сите возрасти…
Instaprint
Instaprint е додаток за апликацијата Instagram кој има улога на полароид, но со мала промена. Овој додаток нема да има потреба од мастило, туку сите бои ќе ги извлекува директно од хартијата. Тој ќе има далечински управувач и ќе можете безжично да се поврзете со него. Моментално се работи на прототипот, но се очекува во брзо време да се појави во продажба.
Sphero
Станува збор за првата роботска топка која ќе можете да ја контролирате преку апликација од вашиот ајфон. Таа има можност и за сингл и за мултиплеер комбинација каде што дефинитивно има несекојдневно испреплетување на виртуелниот и реалниот свет преку игра. Цената на Sphero изнесува 129.99 долари.
Jawbone Up
Нашето здравје е едно од најважните работи и овој додаток ни овозможува да живееме многу поздраво. Во комбинација со апликација на вашиот ајфон можете постојано да имате извештај за тоа колку спиете, како ги поминувате фазите на спиењето, колку одите, колку калории согорувате, како и многу други работи. Со помош на овој извештај можете од ден на ден брзо и лесно да си го подобрувате вашето здравје. Цената на додатокот изнесува 184.99 долари.
Withings Blood Pressure Monitor
Овој додаток ви овозможува динамично мерење на вашиот крвен притисок и отчукувањето на срцето. Тој се поврзува директно со вашиот ајфон, ајпод или ајпад и овозможува едноставна и удобна проверка која можете да ја направите во секое време. Цената на овој додаток е 112.39 долари.
Griffin Helo TC Helicopter
Фирмата Грифин веќе подолго време произведува добро познати продукти за „Apple.“ Во овој случај нивната цел е да измамат насмевка на вашето лице со помош на новата играчка – хелихоптер. Овој додаток за ајфон се контролира преку апликација која има виртуелен џоистик со кои можете да го движите хеликоптерот напред, назад и на страна. Апликацијата е бесплатна, но додатокот чини 60 долари.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
