Претходно
3 неопходни гаџети во 1 мобилен уред
Датум: 05 мај 2011
Коментари: 0
Бенто e компјутерски систем кој вклучува лаптоп, таблет и смартфон во еден компактен мобилен уред, овозможувајќи нивна поврзана работа, како и лесна подвижност на секој од уредите поединечно.
„Нашите алатки варираат по големина и по функција во согласност со нивната специфична функција. Компјутерите исто така, доаѓаат во различни форми, оптимизрани за конкретен контекст. Иако напредокот во дизајнот и инженерството влијаеја на намалување на нивната тежина, корисниците и понатаму носат повеќе уреди наеднаш, бидејќи секој од нив не ги задоволува сите потреби.“
.
„Ако набљудувате како корисниците ги користат сите тие уреди во текот на денот, ќе заклучите дека не ги користат истовремено.“
Но, со Бенто, и ова би било возможно. Сите три уреди можат да функционираат во синергија. Предноста е што секој уред може да се користи независно и како дел од системот. А откако ќе завршите работејќи на секој од нив, ги пакувате во една кутија, наместо да им барате место во чантата.
Сетот од гаџети се состои од еден 15 милиметри тенок лаптоп, кој претставува столб што ги поврзува сите мобилни уреди: мулти тач тастатура, соларна батерија, мобилен телефон и уред за складирање податоци. Кога сите уреди се на своето место, системот станува лаптоп. 
Тастатурата е всушност таблет, а во улога на тракпад е мобилниот телефон.
Таблетот може да се користи и како секундарен дисплеј, за цртање или свирење по ноти.
Овој концепт влезе во потесен круг помеѓу повеќе од 1000 проекти кои беа пријавени за наградата за дизајн од FUJITSU на тема: „Животот со компјутерите во иднина“, организиран во соработка со Designboom.
Кога се сите уреди наполнети, можат да се откачат од системот, но сепак да функционираат поврзано преку безжична врска.
Бенто е сега за сега концепт, зад кој стои дизајнерот Рене Ли, но не би било лошо доколку ваков производ всушност стане достапен на пазарот. Би го купиле?
