Претходно
Македоламбада – фантастично двочасовно музичко патување низ минатите 10 години
Датум: 02 сеп 2013
Коментари: 0
Официјалната топ листа на култното скопско алтернативно радио Канал 103, Зависна Листа.Мк, која третира исклучиво македонска музика, овие денови ја прославува 10-годишнината од своето постоење. Во изминатава деценија, листата активно промовира современа, алтернативна македонска музика, што резултираше со поттикнување на досега невиден квантитет и квалитет на домашната сцена. Сцена која е вибрантна, па сепак далеку од очите на мејнстрим Македонија. Оваа сцена заслужува многу повеќе внимание, а доказ за тоа е високиот квалитет на музиката која ја застапува.
„Македоламбада – Хит Парада“ е првото издание со кое започнува прославата по повод јубилејот. Компилирана и смиксана од авторот и продуцент на Зависна Листа.Мк – Александар Гавровски, Македоламбада е фантастично двочасовно музичко патување низ минатите 10 години, кое се одликува со квалитет вон рамките на она што би го препознале како „македонско“ и ги задоволува и најригорозните музички вкусови. Ова издание може бесплатно да се преземе од веб-сајтот на ПМГ Рекордингс. Уживајте!
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
