Сите со нетрпение ја очекуваме премиерата на најновата филмска адаптација на добро познатиот Дизни цртан „Убавицата и ѕверот“ со Ема Вотсон во главната улога. Веројатно би претпоставиле дека актерите кои глумат во филмовите инспирирани од Дизни би требало на памет да ги знаат сите факти и детали за легендарните цртани филмови. Меѓутоа, нештата се малку поинакви во реалноста. Овој квиз докажува дека ниту еден од актерите, дури ни Ема Вотсон, не се експерти за Дизни. Погледнете го видеото и забавувајте се заедно со екипата од „Убавицата и ѕверот“. Колку прашања одговоривте вие?
