Скејтбордингот е еден неверојатно забавен и рекреативен спорт кој бара многу вештина, труд и посветеност од сите оние кои ќе се осмелат да се занимаваат со него. Но, кога на скејтбордингот ќе додадете стотици разновидни бои и камера која може да снима забавено, тогаш ќе добиете една неверојатна креација и дигитална уметност. Резултатите се прекрасни и финалното видео делува како да е направено со специјални ефекти, додека сѐ што било потребно за тоа да се изработи биле само една Phantom V12.1 камера, пудри во различни бои и тројцата талентирани и вешти скејтери Џејсон и Џонатан Бастијан,како и Рајан Томпсон. Погледнете го видеото на BeyondSlowMotion кое ќе ви ја покаже грациозната страна на скејтбордингот.
