Играта Покемон гоу, во која со мобилни телефони се „ловат“ Покемони, со неверојатна брзина се прошири низ светот. Луѓето ги напуштија удобните фотелји и со часови знаат да одат во лов на виртуелните „пријателчиња“ кои ненадејно се појавуваат на екраните од нивните паметни телефони.
Оваа игра, наиде на голем интерес, како кај децата, така и кај возрасните, но истовремено доби и негативни оценки. Голем број експерти сметаат дека таа може да биде исклучително опасна, затоа што луѓето кои ловат Покемони се толку занесени во своите телефони, поради што губат допир со реалниот свет, а тоа може да предизвика штета по нивното здравје и живот.
Но, дека не е сè така црно во оваа игра, покажува и неодамнешниот собир на голема група „ловци“ на Покемони, кои во еден глас ја пеат насловната песна. Со тоа тие сакаат да стават до знаење дека оваа игра има моќ да ги извади луѓето надвор. Наместо дома, тие можат да поминат убави мигови со пријателите под отворено небо и да ја споделуваат истата страст кон виртуелната игра.
Погледнете колку неверојатно позитивна енергија и возбуда се чувствува во гласовите на луѓето кои на вистински начин ја сфатиле Покемон гоу – едноставно како можност за игра и забава.
