Верувале или не, големи количества отпадоци орбитираат околу нашата планета во моментов. Според НАСА, преку 50.000 остатоци (познати како вселенски отпад) патуваат околу Земјата со брзина која достигнува и до 28.166 км/ч. При вакви брзини дури и најмало парче од овие остатоци лесно можат да оштетат сателит или вселенски брод. Со цел да ја намалат штетата од судирите, НАСА следи преку 20.000 парчиња од поголемиот отпад, кој го сочинуваат нефункционални сателити или делови од ракети.
Сега имаме можност преку графички приказ да го симулираме степенот на вселенски отпад и зголемувањето на отпадоците со текот на времето. Ова видео го следи вселенското загадување од 1957 година, кога Спутник за прв пат бил лансиран во вселената. Како што може да се забележи, во последните години отпадот расте експоненцијално.
Интернационалната вселенска станица морала дури и да ја промени својата орбита во 2013 со цел да избегне судир со големи парчиња вселенски отпад.
