Новите родители ќе го обожаваат овој неверојатен изум! MIT Media Lab и педијатарот Харви Карп го создале најбезбедното и најпаметното бебешко креветче во светот познато како СНУ (SNOO). Веруваат дека ова откритие ќе стане нов член на семејството кој не само што автоматски ќе ги заспива бебињата и ќе го смирува нивното плачење, туку и ќе им овозможи на родителите подобро да ги разбираат знаците што им ги праќа новороденчето.
Харви Карп објаснува дека верувањето според кое на бебињата им треба тишина за да заспијат е погрешно. Имено, додека биле во утробата на мајката бебињата постојано биле изложени на блага бучава и движење, така што за да заспијат потребни им се услови слични на оние кои веќе им се познати и на кои се навикнати. Ова бебешко креветче го овозможува токму тоа! Погледнете подетално како функционира овој изум во следново видео…
