Книга: „Полиња со диви нарциси“ – Винка Саздова

„И да го добиеш најголемиот аплауз, и да ја одиграш најголемата улога, ништо не вреди штом очите што ги љубиш ги нема да те видат…“

Едно писмо останува непрочитано… Истото тоа писмо ќе биде причина за едно далечно патување. Сто и осум ливчиња на кои е испишана единствено пораката разбуди ме, се потребни за некој конечно да се свести што му се излизгало од раце. Мачните сеќавања од младоста стојат испишани во еден дневник. Долгото патување на една девојка ќе ѝ даде надеж на една старица…

Дали сè се случува со причина? Дали ги среќаваме луѓето во нашиот живот со некаква цел? Како две судбини можат да се спојат повторно? Неверство, љубов, разделба и повторна средба. Никогаш не се откажувајте. На судбината можеби некогаш ѝ е потребно подолго време, но не значи дека коцките никогаш нема да се наредат на свое место. Да, Винка Саздова со својата моќ на раскажување и опишување, повторно ќе ве натера да се задлабочите во загадочните страници потпишани со нејзиното име.

Доделуваме 2 книги во соработка со Издавачкиот центар ТРИ

„Биди како тревата. Нејзе не ѝ треба многу време за да закрепне. Со првиот сончев зрак, веднаш се исправа.“

Не можејќи веќе да молчи пред неверството на нејзиниот свршеник, Сара одлучува да избега што е можно побрзо и што е можно подалеку. Купува карта за еден правец. Во мешаницата од луѓе кои го очекуваат пристигнувањето на возот, Сара запознава една старица која исто така го носи нејзиното име. Сличноста меѓу нив двете е неверојатна. Зафатена со мислите за својата несреќа, младата Сара не ја забележува тагата во очите на старицата.

Војдан е човек заробен меѓу љубовта на две прекрасни млади жени. Себично ја голта сета убост што двете љубови му ја нудат без да помисли дека повредува нечии чувства. Кога конечно ќе се одлучи да одбере една на која целосно ќе ѝ го предаде своето срце, таа решава да избега од него. Како што и секогаш се случува со нас луѓето, тој разбира што изгубил откако неговата свршеница ќе му се излизга од раце како грст песок. Не можејќи да го поднесе нејзиното отсуство ќе се дрзне да го отвори нејзиниот дневник за да ја чувствува блиску до себе. Дури тогаш Војдан ќе почне да ја запознава својата Сара… онаа вистинската.

„Надежта е душман на среќата. Глупости! Таа ја храни душата. Не… не. Ти ја одзема сегашноста. Не живееш денес чекајќи го утре.“

Двете Сари се среќаваат со голема причина по игра на судбината. Едната ќе ѝ ја даде иднината на другата, чувството на мир кое ѝ е потребно. Другата пак ќе ѝ даде одговори на многу прашања и ќе ѝ помогне да не ја направи истата грешка што таа еднаш многу одамна ја сторила…

„Не плачеме од болка. Плачеме од неприфаќањето на сопствените одлуки што ги нарекуваме судбина.“

„Искажаните зборови се како ветерот. Него не можеш да го заробиш. Можеш само да го пуштиш да дува, да корне, да свири, да игра и да дивее. И откако ќе мине, се прашуваш дали постоел, освен, се разбира, ако остави зад себе пустош. Но пишаниот збор е како морето. Преполн е со изненадувања и нови длабочини. Само што мислиш дека си го допрел дното, ново дно се отвора пред тебе.“

Книжарница ТРИ, ГТЦ, I кат
тел: 02/3238-722
knizarnica@kniga.com.mk

За да учествувате во наградната игра треба да оставите коментар, да го твитнете постот или да го пинувате на Пинтерест, користејќи го хаштагот #СакамКнигаОдТРИ и вашето име и презиме (ако не може да се прочита точно од вашиот профил). Имате време до среда, 26 февруари 2014.

Добитниците ќе бидат известени преку профилите на Кафе пауза на Фејсбук, Твитер и на Пинтерест.

Наградите ќе можете да си ги подигнете со документ за лична идентификација во книжарницата ТРИ.

💗 Денес ви споделуваме рец

💗 Денес ви споделуваме рец

💗 Погледнете ги овие невер

📢 Денес ви споделуваме рец

Следете нѐ на Инстаграм