Претходно
Книга на неделата: „Филозофијата на одењето“
„Ајде да размислуваме додека одиме и да одиме додека размислуваме“. Со оваа реченица, Фредерик Грос, познат француски филозоф и мислител, голем обожавател на шетање и лутање во природа, на едно место во својата книга „Филозофијата на одењето“ ги поврзува размислувањето и одењето – овие две најприродни човечки активности.
Одењето отсекогаш имало многу приврзаници кои ги препознаваат неговите придобивки: релаксација од напнатост, чувство на исполнетост и среќа, ослободување на имагинацијата, задоволство од поврзувањето со природата. Во низа филозофски медитации, исполнети со мудри и често духовити набљудувања, потпирајќи се на искуствата на познатите мислители кои уживале во долгите прошетки – Ниче, Русо, Торо, Кант, Рембо, Ганди – Фредерик Грос гледа на различни начини на одење како форми на филозофски чин и духовно искуство: од обични прошетки и лутања низ градот или природата до аџилак, патување и протест.
Дали е подобро да се шета сам или во друштво? Што ни треба додека одиме? И дали воопшто знаеме зошто одиме? Ова е токму она што оваа забавна книга се обидува да го објасни.
Ако обожавате психолошки трилери тогаш оваа книга ќе ја прочитате во еден здив!
