Претходно
За љубителите на кафето и фотографирањето…
Можеби сте виделе фотообјектив употребен како шолја за кафе и досега, но овој пат не мора да жртвувате стара леќа, која ретко ја користите за да уживате во вашето кафе сервирано на овој начин. Вакви „шолји за кафе“ сега и се продаваат.
Зад креативната идеја стои тимот од Photojojo, која им дошла откако во кафе-бар биле послужени со кафе, сервирано во шолји во облик на објективи. Откако се созеле од неверојатната идеја, се сетиле дека можат да го направат истото, за широки маси.
Позната е „борбата“ помеѓу корисниците на фотоапарати од Никон и од Канон. И љубителите на едниот и љубителите на другиот бренд имаат избор, па можат да изберат шолја за кафе, брендирана како и нивниот фотоапарат.
Шолјите за кафе се обложени со не`рѓосувачки челик кој е отпорен на висока температура и е лесен за чистење. Странично имаат прстен за зумирање и фокусирање во улога на гумен држач, а одозгора доаѓаат со вистинско капаче за објективот. Шолјите од Никон, дури зумираат кога ќе се заврти нивниот прстен.
Фотообјективите како шолји за кафе можете да ги нарачате од Photojojo, и тоа Никон за 30 долари, а Канон за 24. Покрај за свое уживање, ова е и одличен подарок за страсните љубители на фотографирањето.
Сакам една ваква… 🙂
i ja sakam edna vakvaaa …Obozavam jaaaa. :*