Претходно
Во Тајван можете да пиете кафе со слика од вашиот лик
Let’s café e синџир од кафе-продавници во Тајван распространет на повеќе од 2.000 локации. За да им понудат на купувачите нешто поразлично од конкурентните продавници за кафе, тие смислиле навистина креативна идеја – им овозможуваат на посетителите да направат фотографија од себеси со мобилен телефон, да ја постават во машината за кафе и да добијат напиток со уникатно дизајнирана површина – нивното лице.
Можеби е малку застрашувачки да си го сркате сопственото лице, но идејата не ги ограничува муштериите во нивната креативност.
Ова е дефинитивно интересна форма на кафе-уметност или лате арт, која срцињата и лебедите од млечна пена ги прави здодевни во споредба со уникатните принтови во Let’s café, кои им овозможуваат на сите посетители да пијат единствено и неповторливо кафе. 
Погледнете го видеото за да го видите процесот на работа на оваа интересна машина за кафе.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
