Претходно
Одлични вести за сите љубители на кафе: Оваа напивка може да ви го продолжи животот!
Ретки се луѓето кои можат да си го замислат утрото без кафе, а најновите истражувања докажале зошто е тоа така. Имено, кафето не само што може да ви помогне да се разбудите, туку може и да ви го продолжи животот. Станува збор за две истражувања кои откриле дека редовната консумација на кафе е поврзана со подолгиот животен век.
Истражувачите го следеле животот на голем број љубители на кафе во текот на неколку години за да ги забележат ефектите што ги има оваа навика на нивното целокупно здравје, како и веројатноста да заболат од одредени болести како што се срцеви заболувања, рак и дијабетес. Биле испитани повеќе од 700.000 љубители на кафе, а особено внимание било обрнато на етничката припадност и потеклото на учесниците. Овој детаљ е многу важен ако се земе предвид фактот дека повеќето истражувања поврзани со пиењето кафе биле фокусирани на Европејците и на поединците со европско потекло. На овој начин можеме да бидеме сигурни дека позитивните ефекти на кафето не се однесуваат само на една раса или етничка група.
И двете истражувања дошле до извонредни откритија и покрај тоа што се засновале на набљудување. Научниците се обиделе да ги контролираат сите здравствени фактори што би можеле да влијаат на резултатите и вклучиле различни видови кафе за да добијат што е можно поточни и поверојатни резултати. Многумина можеби ќе ги припишат здравствените придобивки од кафето на кофеинот, но вреди да се спомене дека поединците кои консумирале безкофеинско кафе исто така имале продолжен животен век, што значи дека кофеинот можеби не е целосно заслужен за ова.
Првото истражување, кое се фокусирало на податоците од една студија што ги следела навиките за пиење кафе на повеќе од 500.000 Европејците во текот на 16 години, покажало силна поврзаност помеѓу консумацијата на кафе и намалениот ризик од смрт. Второто истражување следело повеќе од 185.000 Американци во период од 16 години и дознало дека веројатноста за смрт од срцеви болести, рак, респираторни болести, дијабетес, бубрежни заболувања и мозочен удар била значително помала кај поединците кои пиеле кафе за разлика од луѓето кои воопшто не пиеле кафе. Освен тоа, во споредба со луѓето кои не пијат кафе, учесниците кои пиеле по 2-3 шолји кафе дневно имале 18% помали шанси да умрат порано, додека оние кои пиеле по една шолја дневно имале 12% помали шанси да умрат порано во животот.
Истражувањата откриле интересни податоци и во зависност од полот. Резултатите покажале дека 25% од љубителите на кафе пиеле по 3 или повеќе шолји кафе дневно и според тоа, машките љубители на кафе имале 12% помали шанси да умрат порано за разлика од мажите кои не пиеле кафе. Женските љубители на кафе, пак, имале 7% поголеми шанси за подолг животен век за разлика од жените кои не пиеле кафе. Тешко е да се одреди причината за разликата во машките и женските проценти, особено ако се земе предвид фактот дека генерално жените живеат подолго од мажите. Исто така, овие истражувања го потврдиле она што веќе било докажано во претходните студии дека редовното пиење кафе придонесува за подобрена функција на црниот дроб, подобри нивоа на шеќер во крвта и заштита од воспаленија.
Многу луѓе се обидуваат да ја намалат количината на кафе што ја консумираат или целосно да се ослободат од оваа навика, но експертите сѐ уште тврдат дека љубителите на кафе не се изложени на никаков ризик од здравствени проблеми предизвикани од редовното пиење кафе. Доколку пиете помалку од 5 шолји кафе дневно, сѐ ќе биде во ред со вашето здравје.
Накратко, истражувањата заклучиле дека колку повеќе кафе пиете толку помали се шансите за прерана смрт. Слободно игнорирајте ги луѓето кои не пијат кафе и уживајте во вашиот омилен пијалак без грижа на совест.
Прочитајте ги и овие здравствени придобивки од кафето во споредба со чајот.
