Претходно
Како правилно да подготвите вистинско домашно кафе со полн вкус?
Луѓето денес се чини дека прават сè механички. Скокаме по првиот аларм на телефонот, се упатуваме кон тоалетот, полниме малку вода за кафе, а патем ставаме залак во устата, се облекуваме, пиеме брзо кафе и започнува новиот ден.
Колку правиме сè механички и премногу брзо, може да се покаже со фактот дека нашето кафе е секогаш различно. Можеби тоа се должи на брзината и рутината, но има неколку феноменални трикови што ги заборавивме, а можеби некој и не ги знае.
Следете ги неверојатните трикови при подготвување домашно, свежо мелено кафе што ќе му дадат совршено полн вкус на вашиот омилен топол напиток!
Изборот на кафе е најзначаен
За да добиете супериорен вкус, арома и густина, треба да изберете квалитетно свежо мелено кафе. Не секое кафе е исто. Тие не се ни слични! Доброто свежо кафе ќе го препознаете по густата пена, што е знак дека кафето е со одличен квалитет и тоа е еден вид гаранција дека кафето во вашата шолја е апсолутно совршено. Дали знаевте дека токму пената ја зачувува аромата и вкусот на кафето и го одржува кафето подолго време топло?
Правилен процес на подготвување
Оваа информација веројатно ќе ве изненади – дали знаевте дека водата за подготовка на кафе не треба да зоврие? Треба да се загрее, но треба и да се отстрани од ринглата пред вриење. Потоа додајте го кафето во водата.
Колкава количина на кафе е доволна за една шолја напиток?
За секоја шолја оптимално е да се стави една богата лажичка свежо мелено кафе. Бидејќи денес пиеме кафе претежно од големи шолји, треба да се стават барем две. Се разбира, можете да ја прилагодите количината на кафе по ваш вкус, во зависност од тоа дали преферирате послаб или посилен вкус на кафе.
Варење на кафето
Кога ќе додадете кафе, промешајте добро и вратете го на ринглата за да го доварите и тоа да достигне до врвот на ѓезвето. Тргнете го ѓезвето на страна и почекајте да се спушти пената, тогаш кафето е подготвено за сервирање. Кафето секогаш треба да се сервира во просторијата каде што се пие, а откако ќе го ставите во шолјата, оставете го малку да се „смири“ – тоа е за да се процесира извлекувањето на аромата од ситно мелените зрна во шолјата.
Најголема грешка
Повеќето луѓе претеруваат при варењето на кафето, а токму тоа е она што најмногу го уништува вкусот и пената на кафето. Исто така, грешка е да го засладите кафето откако е веќе сварено, бидејќи тогаш треба повторно да се промеша и талогот повторно се раздвижува. Ако сакате слатко кафе, додајте го шеќерот во ѓезвето на почетокот, кога водата е сè уште ладна.
Сега кога ги знаете најдобрите трикови, побрзајте да подготвите шолја свежо мелено кафе и уживајте во совршената полнота од арома и вкус на најубавиот напиток за расонување!
Затоа што сте љубител на црното кафе ви предлагаме да откриете кои се 4-те причини зошто би требало да продолжите да го пиете.
