Претходно
12 изненадувачки состојки коишто можете да ги додадете во вашето кафе за уникатно кофеинско доживување
7. Кафе со алкохол
Можеби ова не е најсоодветната состојка којашто планирате да ја додадете во вашето утринско кафе, но сепак е многу популарен трик ширум светот. Некои луѓе обожаваат да пијат Руско кафе со вотка, додека други уживаат во Ирското кафе, во коешто се додава Џејмисон виски и шлаг.
8. Кафе со кокосово масло
Доколку додадете лажичка кокосово масло тоа ќе му даде убава густина и текстура на вашето кафе, а и ќе ве одржи сити некое време, за разлика од регуларното кафе.
9. Кафе со лимон или лимета
Слично како што е додавањето сол во кафето, така и кората од лимон или лимета во кафето, ја неутрализира неговата горчина и ја зголемува блажината. Покрај тоа, ќе му даде и цитрусен шмек на вашиот кофеински пијалак, па ако планирате да му додадете млеко и шеќер, подобро е прво да го пробате без никакви дополнителни додатоци и да процените.
10. Кафе со кондензирано млеко
И покрај тоа што кај нас не е многу популарно, кондензираното млеко многу се користи во други држави, особено во Југоисточна Азија. Тоа е многу погусто, покремасто и поблаго од обичното млеко, па затоа ако додадете само една лажичка кондензирано млеко во вашето кафе, тоа ќе добие сосема нов, прекрасен вкус. Додавањето кондензирано млеко во кафе, е најпопуларно во Виетнам.
11. Кафе со Тоник
Пиењето ледено кафе со тоник е популарно во Шведска и истото е многу освежувачко и идеално за во летниот период од годината. Ако сакате да пробате нов и интересен вкус, дефинитивно треба да си подготвите еден ваков пијалак, кој претставува идеална комбинација од сок и кафе.
12. Кафе со Кока-кола
Доколку сакате четворократно да го зголемите количеството на кофеин во вашето кафе, тоа можете да го постигнете со овој интересен рецепт. Помешајте 200 мл Кока-кола со една доза кафе и доживејте фантастично меуресто искуство. Газираниот сок ќе го направи вашето кафе благо, но за да не го разредите премногу, најдобро е да употребите темно или средно печено кафе.
Може ќе ве интересираат и овие 8 вкусни начини како да го направите вашето кафе поздраво.
