Претходно
Викенд филмски маратон со Џим Кери
Џим Кери е канадски глумец и комедијант, роден на 17 јануари 1962 година во Њумаркет, Онтарио, Канада. Тој е роден во сиромашно семејство. Неговите родители биле уметници и имале 4 деца, од кои тој бил најмалиот. Благодарение на неговите комичарски способности, уште на 15-годишна возраст, почнува да настапува во клубот Yuk Yuk’s во Торонто. 
Иако бил одличен ученик, сепак на 16 години бил избркан од училиште, па комплетно се посветил на својата кариера. На 18 години заминал во Холивуд за да си го оствари сонот и да стане светски позната ѕвезда. Прв сериозен проект во кој добива улога е филмот „All in Good Taste“ кој бил снимен во 1981 година. Од тој филм до денеска има снимено 46 филмови.
Како што напредува во кариерата, така и одлично заработува, па еве една мала листа од добиените хонорари за дел од филмовите во кои учествувал како главен актер:
- Yes Man (2008) – 36,2% од профитот
- Bruce Almighty (2003) – 25 милиони американски долари
- Me, Myself & Irene (2000) – 20 милиони американски долари
- Liar Liar (1997) – 20 милиони американски долари
- Ace Ventura: When Nature Calls (1995) – 5 милиони американски долари
- Batman Forever (1995) – 5 милиони американски долари
- The Mask (1994) – 540 илјади американски долари
Овој викенд ние ќе ви препорачаме само дел од неговите филмови, кој би ви претставувале одлична забава преку целиот викенд. Од неговата богата кариера, тешко можат да се издвојат неколку препораки, па затоа ќе се обидеме да опфатиме филмови од повеќе жанрови, но се разбира на листата ќе се најдат најмногу комедии.
.
1. Ејс Вентура: детектив за миленици (Ace Ventura: Pet Detective)
Премиера: 4 февруари 1994 година
Глумци: Џим Кери, Кортни Кокс, Шон Јанг…
Времетраење: 86 минути
Жанр: комедија
Буџет: 11 милиони американски долари
Заработка: 107 милиони американски долари
Заработка на Џим: 350 илјади американски долари
.
2. Глупав и поглупав (Dumb and Dumber)
Премиера: 16 декември 1994 година
Глумци: Џим Кери, Џеф Даниелс, Лорен Холи…
Времетрање: 107 минути
Жанр: комедија
Буџет: 17 милиони американски долари
Заработка: 280 милиони американски долари
Заработка на Џим: 5 милиони американски долари
.
3. Шоуто на Труман (The Truman Show)
Премиера: 5 јуни 1998 година
Глумци: Џим Кери, Лора Лини, Ед Харис..
Времетраење: 103 минути
Жанр: драма
Буџет: 60 милиони американски долари
Заработка: 265 милиони американски долари
Заработка на Џим: 12 милиони американски долари
.
4. Вечниот сјај на чистиот ум (Eternal Sunshine of the Spotless Mind)
Премиера: 19 март 2004 година
Глумци: Џим Кери, Кејт Винслет, Кирстен Данст…
Времетраење: 109 минути
Жанр: драма, романса
Буџет: 20 милиони американски долари
Заработка: 72.260.000 американски долари
Заработка на Џим: непознато
.
5. Бројот 23 (The Number 23)
Премиера: 23 февруари 2007 година
Глумци: Џим Кери, Вирџинија Мадсен, Логан Лерман
Времетраење: 98 минути
Жанр: хорор
Буџет: 30 милиона американски долари
Заработка: 77.500.000 американски долари
Заработка на Џим: непознато
.
6. Те сакам Филип Морис (I Love You Phillip Morris)
Премиера: 18 јануари 2009 година
Глумци: Џим Кери, Ијан Мекгрегор, Лесли Ман
Времетраење: 93 минути
Жанр: комедија, драма, романса
Буџет: 13 милиони американски долари
Заработка: 20 милиони американски долари
Заработка на Џим: 15 милиони американски долари
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
чоеков си рула најбоље е ;)))
go zaboravivte najdobriot od site Man on the Moon