Претходно
ТВ серија: Западен свет (Westworld)
Тематски парк населен од напредни андроиди, што ви овозможуваат автентично искуство за живот на дивиот запад
Главни улоги: Ентони Хопкинс, Еван Рејчел Вуд, Ед Харис
Жанр: драма, научна фантастика, трилер
Креатори: Џ. Џ. Абрамс, Џонатан Нолан, Лиса Џој Нолан
Премиера: 2 октомври 2016
Број на сезони: 1
Времетраење: 60 минути
Јазик: англиски
Наша оценка: 9/10
Ваша оценка: 
(12 гласа, просек: 8,33 од 10)
Loading...
Ова е втор обид да се направи телевизиска адаптација на филмот „Westworld“ од 1973 година. Првата ТВ серија се појавила во 1980 година, но по само 5 епизоди дошла до својот крај. Изгледа со новата верзија, чија прва епизода излезе пред само неколку денови, работите за оваа приказна целосно ќе се сменат. Иако ретко кој го помни филмот, со оглед на вниманието што го привлече оваа верзија на приказната, набрзо сите ќе знаат за што станува збор.
Основната приказна воопшто не е променета. Западниот свет е тематски парк, населен од модерни андроиди. Различни видови луѓе доаѓаат да живеат таму и да ги остваруваат своите фантазии поврзани со дивиот запад, така што имаат интеракција со локалните андроиди, најчесто преку секс или убиство. На крајот од празникот, крвта се чисти, жителите се поправаат и целата приказна почнува од почеток за новиот бран посетители.
Можете веднаш да претпоставивте дека хероите во оваа приказна се роботите – тие се софистицирани и достигнале ниво на свесност како луѓето, но сепак се нарекуваат „стока“ зад сцените. Секојдневното страдање што го издржуваат е непријатно реално, но благодарение на грешка во нивното последно надградување, тие ќ почнат да задржуваат дел од сеќавањата. Па, дали ќе одлучите да ја гледате оваа ТВ серија? Ние мислиме дека не смеете да ја пропуштите.
