Претходно
ТВ серија: Блек лајтнинг (Black Lightning)
Пензиониран суперхерој станува одмаздник за правда
Главни улоги: Крес Вилијамс, Чајна Ем МекКлејн, Нафеса Вилијамс
Жанр: акција, драма, научна фантастика
Креатори: Салим Акил и Мара Брок Акил
Премиера: 16 јануари 2018
Број на сезони: 1
Времетраење: 45 минути
Јазик: англиски
Наша оценка: 8/10
Ваша оценка: 
(2 гласа, просек: 6,00 од 10)
Loading...
Блек лајтнинг, односно Црна молња, е уште една ТВ серија со суперхерој што брзо ги освои љубителите на жанрот. Таа е сместена во универзумот на „CW“, односно неговата приказна ќе биде уште една нишка на веќе големиот свет познат како Ероуверзум (Arrowverse). Тука спаѓаат Ероу (Arrow), Флеш (The Flash), Супергрл (Supergirl) и Легендите на утрешнината (Legends of Tomorrow). Ако сте љубители на овие карактери, тогаш без сомнение ќе ви се допадне и овој.
Блек лајтнинг ги има сите елементи на возбудлива приказна за суперхерои – карактер со неверојатни способности, блиски личности што тој ги обожава, закана за локалното население и диви сцени со тепање. Но, тоа не е сè. Под површината се крие и моќна приказна за семејството и правдата која ќе ви го задржи вниманието до самиот крај и ќе ве натера да сочувствувате со ликовите и настаните низ кои тие поминуваат.
Крес Вилијамс ја толкува улогата на Џеферсон Пирс (Блек лајтнинт), кој не е вообразен тинејџер или богат размазен маж… Тој е образован директор на училиште, татко на две деца и столб на неговата заедница. Веќе звучи поразлично од суперхероите на коишто сме навикнати, се согласувате? Тој воведува нова и уникатна перспектива на овој жанр, па токму затоа и ви препорачувам да ѝ дадете шанса.
