Претходно
Филм: Уништен град (Broken City)
Политички амбиции, корупција, неверство, убиство, местенки…
Режија: Ален Хјуз
Улоги: Марк Валберг, Расел Кроу, Кетрин Зета Џонс
Времетраење: 109 минути
Јазик: англиски
Премиера: 18 јануари 2013
Жанр: крими драма, трилер
Наша оценка: 7/10
Ваша оценка:
(16 гласа, просек: 7,94 од 10)
Loading...
Уништениот град на кој алудира насловот на филмот е Њујорк, град во кој владеат политичките амбиции, бизнис интересите и корупцијата. Централна фигура во него е градоначалникот Николас Хостелтер (Расел Кроу), човекот кој сака да ги среди работите, но веќе на почетокот на филмот се добива поинаков впечаток.
Кога полицаецот Били Тагарт (Марк Валберг) ќе направи грешка и ќе добие обвинение за убиство на осомничен силувач и убиец при извршување на должноста, се извлекува токму благодарение на „великодушната“ помош од Хостетлер. Тогаш нема друг избор освен да се заблагодари, да ја напушти полициската служба и да продолжи со работа како приватен детектив.
Седум години подоцна Тагарт повторно се среќава со градоначалникот, кој овојпат сака да го ангажира во сред предизборна кампања, затоа што се сомнева дека жена му го изневерува. Тагарт успешно ја извршува задачата откривајќи дека таа тајно се гледа со Пол Ендруз, менаџерот на кампањата на противникот на Хостетлер. Ендруз наскоро ќе биде пронајден мртов, а детективот не може да седи мирен и сака да открие што навистина се случува.
Во „Уништен град“ е собрана извонредна актерска екипа која многу ветува, но за жал тој не е толку импресивен како некои други трилери од последниов период. Марк Валберг повторно е во улога на цврст и бестрашен човек кој сака правда, Расел Кроу е стандардно одличен во својата улога, но филмот и понатаму останува во групата на просечни трилери поради неговата предвидливост. Интересен е, но ако често гледате филмови од овој жанр ќе препознаете некои делови кои веќе се видени и не оставаат многу простор за поставување прашања околу неговиот расплет.
Не ја исклучуваме можноста дека „Уништен град“ ќе ве воодушеви, но ова пред сè е филм кој забавува. Не бара силна концентрација како психолошките трилери од типот на „Транс“, туку е едноставна крими-приказна која опушта.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
