Претходно
Филм: Шифра Вујче (The Man from U.N.C.L.E.)
Во 1960-тите, агент од ЦИА и оперативец од КГБ се здружуваат за да неутрализираат закана од светски размери
Режија: Гај Ричи
Улоги: Хенри Кавил, Армие Хамер, Алисија Викандер
Времетраење: 116 минути
Јазик: англиски
Премиера: 14 август 2015
Жанр: акција, авантура, комедија
Наша оценка: 9/10
Ваша оценка: 
(11 гласа, просек: 8,73 од 10)
Loading...
Во 1960-тите години, додека сè уште трае Студената војна, агентот од ЦИА, Наполеон Соло (Хенри Кавил), ѝ помага на Габи Телер (Алисија Викандер) да избега преку Берлинскиот ѕид, во Западна Германија. Тие едвај успеваат да избегаат од застрашувачкиот оперативец од КГБ, Илја Курјакин (Армие Хамер). Но, по неочекуван пресврт на настаните, овие тројца ќе мора да ги здружат силите со цел да го спречат таткото на Габи да создаде нуклеарна бомба за приватна криминална организација. И покрај нивните разлики, тие ќе мора да најдат начин како да соработуваат со цел да се задржи светскиот мир.
Овој филм е базиран според ТВ серијата со исто име која се емитувала во 60-тите години. Токму затоа и воопшто не изненадува фактот дека филмот беше нетрпеливо очекуван од голем број луѓе. За среќа, тој ги исполни сите наши очекувања. Актерите се одлично одбрани, доближувајќи ни ги ликовите поблиску до нас и создавајќи ни илузија како и ние да сме таму покрај нив. Сите филмови кои успеваат да го постигнат тоа се дефинитивно вредни за гледање. Од друга страна, хуморот во приказната е бесценет. Постојаното ривалство помеѓу Наполеон и Илја, како и романтичните моменти помеѓу Габи и Илја без сомнение ќе ви ја задржат насмевката во текот на целиот филм. Па, доколку имате слободно време викендов, дефинитивно ви препорачуваме да го гледаме.
