Претходно
Филм: Домот за необични деца на госпоѓица Перегрин (Miss Peregrine’s Home for Peculiar Children)
Кога Џејкоб открива знаци што водат до мистерија која се растега низ времето, тој го наоѓа домот за необични деца на госпоѓица Перегрин
Режија: Тим Буртон
Улоги: Ева Грин, Семјуел Л. Џексон, Аша Батерфилд
Времетраење: 127 минути
Премиера: 29 септември 2016
Јазик: англиски
Жанр: авантура, фантазија
Наша оценка: 9/10
Ваша оценка: 
(22 гласа, просек: 8,41 од 10)
Loading...
Аша Батерфилд ја толкува улогата на Џејк, сосема обично (на прв поглед) момче кое живее во Јужна Флорида, кај својот дедо, Ејб (Теренс Стамп). Неговиот живот целосно ќе се промени откако Ејб ќе почине, наводно од природна причина, но Џејк, кој бил сведок на целиот настан, видел чудовиште во близина на дедо му за кое подоцна никој нема да му верува. Згора на сè, моментите пред Ејб да почине, тој ќе промрмори некаков вид загатка за остров, јазол, птица и 1943 година која Џејк ќе ја чуе.
Со оглед на тоа што Џејк бил поблизок со дедо му одошто со својот татко, неговата смрт многу ќе го погоди. Тие со часови разговарале за неговото детство и тој често му кажувал за својот живот во еден специјален дом, воден од страна на госпоѓа Перегрин (Ева Грин). Токму затоа и терапевтката на Џејк (Алисон Џени) ќе им предложи на неговите родители да го одведат на овој британски остров, за тој полесно да се справи со загубата. Но, кога ќе пристигнат таму, Џејк ќе дознае дека домот бил уништен од нацистички бомби во 1943 година.
Но, патот нема да биде залуден бидејќи токму тогаш и децата од овој дом ќе го откријат Џејк. Целата група деца, водени од страна на Ема Блум (Ела Пурнел), биле испратени од страна на госпоѓа Перегрин за да го донесат назад Џејк. Таа меѓу другото, е позната и по својата моќ да создава временски јазли, правејќи секој ден да се случува одново со цел да ги заштити „необичните“ деца, кој многу наликуваат на мутантите од серијалот „Икс-мен“.
Тука ќе престанеме со пишување и само ќе ви препорачаме да го гледате овој одличен филм кој без сомнение ќе ви го освои срцето. Зарем има подобар начин да се помине еден есенски викенд од безвремена авантура што ќе ве одведе на пат далеку од реалноста?
