Претходно
Дали сте спремни за уште едно продолжение од „Сам дома“?
Американската ТВ куќа „ABC Family“ најави дека ќе се снима нов дел, петти по ред, од филмот „Сам дома“. Како што пренесуваат холивудските медиуми, филмот насловен како „Сам во мракот“ премиерно ќе биде прикажан за Божиќ, 2012 година.
Јунак во новиот дел ќе биде осумгодишниот Фин, а улогата ќе ја толкува Кристијан Мартин. Тој ќе биде убеден дека неговата куќа е опседната со духови. Додека неговите родители се на другиот дел од градот, тој и неговата сестра, која ќе ја толкува Џодел Ферланд, ќе останат сами во нивната куќа. Па така, тој ќе поставува замки кои ќе бидат наменети за „духовите“, а од нив всушност ќе страдаат тројцата крадци, улоги кои ќе ги толкуваат Малком Мекдауел, Деби Мејзар и Еди Стиплс.
Кристијан Мартин
Првиот дел „Сам дома“ во кој глуми Меколи Калкин е снимен во 1990 година, а две години покасно беше прикажано и второто продолжение. Двата дела доживеаја огромен успех. За разлика од првите два дела третиот и четвртиот дел не го постигнаа истиот ефект кај публиката, а интересно е да се напомене дека во третиот дел снимен во 1997 година, глуми и тогаш малата Скарлет Јохансон. Четвртиот дел од филмот беше прикажан во 2002 година.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
Супер! 😀
Да не мислите 2013???
не