Претходно
7 филмови што допрва ќе излезат и не смеете да си дозволите да ги пропуштите оваа година
Секогаш постојат филмови што можат да сопрат нечие срце во исчекување на нивното излегување. За да бидете сигурни дека нема да пропуштите ниту еден од овие до крајот на годинава, запишете ги следниве датуми!
1. Сојузници (Allied) – 23 ноември 2016
Во центарот на Втората светска војна, американски агент започнува афера со прекрасна Французинка. Цврстината на нивната врска ќе биде тестирана, а главниот тест ќе вклучува откривање на вистината. Многу брзо мажот ќе открие дека сопругата и мајката на неговите деца е всушност фашистички шпион…
2. Вероисповед на платените убијци (Assassin’s Creed) – 14 декември 2016
Овој филм е базиран според популарната серија видео игри со истото име. Главниот лик, Линч, користи специјална технологија за да ги живее одново авантурите на неговиот предок, кој едно време бил платен убиец. Бидејќи наследил неверојатни способности од неговиот роднина, тој се бори против темпларите витези во наше време.
3. Одметник 1: Приказна за војна на ѕвездите (Rogue One: A Star Wars Story) – 16 декември 2016
Овој филм ни ги покажува настаните што му претходат на четвртиот дел од филмовите Војна на ѕвездите. Знаејќи дека Империјата создала воена станица со моќ да уништи планета, алијансата на бунтовниците наоѓаат начин како да ги украдат плановите за тајното оружје.
4. Патници (Passengers) – 21 декември 2016
Вселенски брод патува кон планета што ќе биде нов дом за неговите патници. Сите луѓе што се на бродот се во состојба на суспендирана анимација, бидејќи патувањето трае 90 години. Но, двајца патници неочекувано се будат и сфаќаат дека им е судено да го поминат остатокот од нивниот живот заедно.
5. Огради (Fences) – 25 декември 2016
Станува збор за еден бејзбол играч, кој поради одредени околности, се откажува од играта и почнува да работи како метач на улици во својот роден град. Поранешниот спортист се обидува да се грижи за семејството и да се справува со многу различни проблеми, меѓу кои и расна дискриминација. Приказната е базирана според Бродвејска драма што добила Пулицерова награда.
6. Злато (Gold) – 25 декември 2016
Овој филм е базиран според вистинска приказна. Главниот карактер, Кени Велс, тргнува во потрага по злато со неуспешен геолог. Нивното неверојатно патување од џунглите во Индонезија до кулите на Вол Стрит целосно ќе им го промени животот.
7. Колатерална убавина (Collateral Beauty) – 30 декември 2016
Овој филм ни ја раскажува приказната за еден човек кој поминал низ тешка лична траума и го изгубил целиот интерес за животот. За да го одвлечат од депресија, неговите пријатели смислуваат специјален план кој ќе излезе ефективен, но на најнеочекуваниот начин.
