Претходно
3-те најочекувани августовски филмски премиери
Август е еден од оние месеци во кои ќе излезат голем број познати филмски наслови. Но кои се најочекуваните и најпопуларните премиери за време на најтоплиот летен месец? Погледнете ја следнава листа од 3 филма што гарантирано ќе ви го „размрдаат“ летото.
1. Темната кула (The Dark Tower) – 4 август 2017
Револверашот Роланд Десчејн талка низ предели слични на Стариот запад во потрага по темна кула со надеж дека ќе најде начин да го зачува светот во изумирање. Овој филм е правен според познатата серија книги со истото име на Стивен Кинг.
2. Анабела: Создавање (Annabelle: Creation) – 10 август 2017
Неколку години по трагичната смрт на нивното мало девојче, кукларот и неговата сопруга го отвораат својот дом за калуѓерка и девојчиња од срушено сиропиталиште, по што набрзо ќе станат мета на Анабела, опседната креација на кукларот.
3. Телохранителот на платениот убиец (The Hitman’s Bodyguard) – 18 август
Најдобриот телохранител во светот добива нов клиент, платен убиец што мора да сведочи на Интернационалниот суд за правда. Тие мора да ги тргнат настрана своите разлики и да работат заеднички за да можат да стигнат навреме за судење.
