Претходно
3 одлични божиќни филмови со кои можете да ја започнете празничната магија!
Пред нас е најубавиот период од годината, што значи дека полека е време да се започнат подготовките. Иако сè уште е премногу рано за новогодишни украси и слични ситници, она што можете да направите е да уживате во вашите омилени божиќни филмови кои сигурно ќе ве расположат,но и да го скратат времето до волшебната празнична сезона!
Како што споменавме, божиќните филмови се одлична празнична магија што сакаме да ја почуствуваме уште во ноември. Затоа во моментов е вистинско време да седите удобно во вашиот кревет, да се завиткате во ќебе и да уживате во вкусни закуски и божиќни филмови. Подолу издвоивме три божиќни филмови кои се покажаа како одличен избор за божиќното загревање.
The Princess Switch: Switched Again
Ова е вториот дел од филмот „Princess Switch“ и повторно ја раскажува приказната за близнаците кои си го заменија животот. Овој филм излегува на 19 ноември, а неодоливо забавната и позитивна акција е доволно добра причина дефинитивно да го ставите на вашата листа за гледање, затоа што сме сигурни дека нема да бидете разочарани.
Christmas Made to Order
Овој филм не е нов, но и покрај тоа што излезе во 2018 година, тој е одличен избор за една опуштена филмска вечер. Филмот ја следи приказната за архитект кој не е толку вешт во организирање на божиќни вечери, но сепак има задача да биде домаќин на своето семејство. Симпатичната и позитивна акција ги покажува сите привлечности на заедништвото и божиќната магија и ја нагласува најважната работа, а тоа се љубовта и семејството на едно место.
Operation Christmas Drop
Ова е нешто подинамичен филм со божиќна тема и дефинитивно не е невообичаен. Главниот лик поради деловни обврски, не успева да го помине Божиќ со своите најблиски, но добива задача што вклучува и одење во воздухопловната база каде што ќе се сретне со капетанот со кој се кара на самиот почеток. Се разбира, како што обично се случува, нивната врска станува сè покомплексна и ако сте заинтересирани што се случува понатаму, добрата вест е што филмот веќе излезе во октомври!
Можеби ќе сакате да ги погледнете и овие 9 божиќни филмови што ќе ви го стоплат срцето за време на ладните вечери.
