Претходно
З0 брутални вистини коишто треба да ги знаете за карактерот на Девиците
Позната како најголемиот перфекционист во Зодијакот, Девицата е тип на личност којашто сака животот да ѝ биде грижливо организиран до најситен детаљ. Таа со леснотија ги совладува основните аспекти на секоја ситуација, но не ја интересираат безвредни ситници коишто не му се никому од полза. Таа ја одржува контролата во животот со помош на нејзиното силно чувство за пристојно и соодветно однесување, па доколку не ѝ се допаѓа тоа што го гледа пред себе, едноставно ќе си премолчи и ќе си стои на страна. Со задоволство им помага на сите блиски луѓе да успеат во разни аспекти од животот, а нејзиното присуство се забележува преку дискретна верност, лојалност и посветеност.
Прочитајте ги и следниве 30 брутални вистини за карактерот на Девиците:
1. Понекогаш, Девиците нема да продолжат да ви објаснуваат нешто, бидејќи знаат дека се во право и не чувствуваат никаква потреба да ви го докажат тоа.
2. Девиците често знаат да си премолчат некои работи, бидејќи се свесни дека нивните зборови се остри како нож.
3. Доколку Девицата треба да ви повтори нешто повеќе од два пати, ќе започне многу да се фрустрира.
4. Девиците се подготвени да превртат сѐ наопаку доколку е тоа потребно, со цел да го пронајдат тоа што го сакаат.
5. Наместо да ве измачуваат со нивните проблеми, тие одлучуваат да се однесуваат како сѐ да е во ред, дури и кога не е.
6. Претставници на знакот Девица, не можат да поднесат неодговорни луѓе.
7. Кога Девица ќе ви каже дека ве сака, тој/таа навистина го чувствува тоа и целосно ќе се посвети на вас.
8. Девиците во својата природа не се манипулативни луѓе. Можеби би ви одржале по некоја лекција, но никогаш не би ве искористиле и злоупотребиле.
9. Девиците брзо се вознемируваат за сѐ и сешто, што значи дека треба да внимавате какви зборови излегуваат од вашата уста кога ќе им се обраќате.
10. Наспроти нивното чувство за реалност, Девиците сепак сонуваат да искусат љубовна романса како онаа од романтичните романи.
11. Девиците имаат познавање од многу теми и најчесто се во право, односно во 99% од случаите. Поради тоа, тие ќе ви се спротивставуваат сѐ додека не им го препуштите последниот збор.
12. Доколку Девицата ви изгледа дистанцирано и воздржано, тоа значи дека се обидува да си разбистри некои нешта во нејзината потсвест, пред да го направи следниот чекор.
13. Најлошото чувство според нив, е беспомошноста.
14. Девицата ќе се сомнева во сите работи коишто предизвикуваат да се чувствува неудобно или смета дека е несоодветно во дадената ситуација.
15. Девицата секогаш ќе се обиде да изнајде алтернативни начини за справување со ситуациите. Се прашува дали можела да постапи на поинаков начин и што би требала да промени во идните ситуации. Овој знак е секогаш исполнет со сомнежи.
16. Никој друг нема подобро да ги чува вашите тајни, од Девицата.
17. Девиците се во потрага по партнер којшто е полн со страст и романтика, но истовремено им е и најдобар пријател.
18. Можеби понекогаш ќе помислите дека Девиците се злобни луѓе, но тоа е погрешен заклучок. Тие ќе ве критикуваат со љубов, а не со омраза во нивното срце.
19. Да се карате со Девица, е исто како да ве уапсила полиција. Сѐ што ќе кажете во моментот на нервоза, ќе биде употребено против вас.
20. Девицата се чувствува подобро кога му помага на некој друг, отколку кога друг ѝ пружа помош неа. Едноставно, вашата среќа е и нивна среќа.
21. Девицата брзо ќе се изнервира, доколку ја форсирате да заврши некои обврски, во ден во којшто не сака да го направи тоа. Ако е случајот таков, најверојатно таа има добра причина за таквото однесување.
22. Девиците не можат да поднесат луѓе коишто постојано ги одложуваат работите.
23. Кога Девицата ќе ја пронајде љубовта на нејзиниот живот, таа ќе ѝ остане лојална до крајот на животот.
24. Девиците тешко ги изразуваат нивните мисли, а тоа и не е за изненадување, бидејќи тие имаат навистина многу мисли во нивната глава.
25. Во моментите кога ќе почувствувате дека цел свет околу вас се руши, јавете ѝ се на Девицата. Таа секогаш ќе смисли паметно решение за вашиот проблем.
26. Девиците се свесни дека не можат да ги променат луѓето околу нив, па затоа преферираат да ја променат сопствената реакција на омразата на другите луѓе.
27. Девиците се свесни дека другите луѓе тешко можат да ги разберат, а нивната комплексна природа подеднакво може да им биде од полза и да ги иритира.
28. Девицата никогаш нема да се помири со нешто помалку отколку што е свесна дека заслужува. Таа е спремна да направи многу компромиси за љубовниот партнер, се разбира само доколку тој е вреден за нејзиниот труд.
29. Девиците премногу се грижат, и покрај тоа што знаат дека тоа не е потребно.
30. Тие секогаш ги гледаат работите токму онакви какви што се, а не онака како што другите луѓе сакаат тие да бидат.
Може да ве интересираат и овие 30 брутални вистини коишто треба да ги знаете за карактерот на Лавовите.
