Претходно
Сонцето влегува во Близнаци: Какви космички промени нè очекуваат во следниот период?
Сонцето влегува во знакот на Близнаци на 20 мај, а истовремено ќе има три ретроградни планети. Ова ќе биде космички период на раст, обновување, рефлексија и до 21 јуни енергијата полека ќе се стабилизира. Еве ги главните астролошки настани што нè очекуваат за време на владеењето на Близнаците од 20 мај до 21 јуни:
20 мај – Сонцето влегува во Близнаци
Сонцето влегува во Близнаците на 20 мај, па ќе правите многу работи со поголема леснотија и ќе можете да се справите со сите неправди и предизвици. Ова се денови на вашата победа.
23 мај – ретрограден Сатурн
Сатурн влегува во својата годишна ретроградна фаза и нè охрабрува да се потсетиме на некои настани и да размислиме за одлуките што сме ги донеле и за кои треба да преземеме одговорност.
Ова е период кога треба да вежбате трпеливост и да преземете одговорност за своите постапки. Ако имате работи со кои треба да се справите, бидете трпеливи бидејќи може да откриете дека ретроградниот Сатурн помага да се изнесат повеќе информации на површина.
26 мај – Затемнување на Месечината во Стрелец
Супермесечината и целосното затемнување на Месечината носат ретка појава што силно ќе влијае на нашата енергија. Месечината ќе биде поблиску до Земјата од вообичаеното, што значи дека нејзиното влијание ќе биде уште посилно.
Секогаш кога има целосно затемнување на Месечината, таа има црвеникава нијанса, па затоа е наречена и крвава месечина.
Целосното затемнување на Месечината е период на големи промени и трансформации.
Можеби ќе се чувствувате како да се движите низ симболичен процес на повторно раѓање и ќе бидете подготвени да се приспособите на новите околности, да учите од нив и да растете.
Иако затемнувањето може да предизвика многу стравови и несигурности, ова е дефинитивно моментот кога многумина ќе напредуваат.
29 мај – ретрограден Меркур
Меркур, владејачката планета на Близнаците, влегува во својата втора ретроградна фаза годинава. Време е да се одморите, да размислите за вашите следни потези и да се ослободите од канџите на минатото.
Во овој период внимавајте какви одлуки носите и не оставајте ништо на случајноста. Бидете внимателни во сообраќајот, со парите и со потпишувањето договори и документи.
Прочитајте кои 3 хороскопски знаци ќе ја сретнат својата сродна душа во мај.
