Претходно
Што ве очекува во љубовта до крајот на април според хороскопскиот знак?
Пролетта е период на нова љубов, пеперутки во стомакот и будење на старите спомени. До 30-ти април, изгледа дека на многу хороскопски знаци ќе им се промени љубовниот статус. Па дознајте што можете да очекувате во љубовта, до крајот на овој месец.
Овен
Да прифатите нешто што не ви е по желба значи дека сте зрели и трпеливи. Ќе бидете тивки и дискретни. Потоа следува вистинското прифаќање од другата страна и конечно ќе сфатите што значи да љубите. Ова ќе биде голем чекор напред.
Бик
Неодговорноста и отвореноста за сите опции може да предизвика мали несогласувања во личните односи. Сите загатки и мали љубовни проблеми ќе ги решите со помош на најблиските пријатели. Тие се секогаш овде за вас.
Близнаци
Вашата врска добро ќе напредува, но немојте да ги трошите зборовите бидејќи можни се и некои недоразбирања. Со партнерот ќе претставувате целина која секој ја посакува. Избегнувајте ги непотребните расправии и уживајте во романтичните моменти.
Рак
Вашата фантазија ќе биде толку силна, што лесно ќе најдете решение за секоја љубовна ситуација. Овој пат некои Ракови ќе останат сами, бидејќи интуицијата ќе им каже дека добриот период за љубов допрва доаѓа. Доколку сте во врска, ве очекува прекрасен период.
Лав
Без многу двоумење ќе прифатите нечие флертување и ќе ѝ дозволите на другата личност слободно да зборува. Можно е да бидете пријатно изненадени од помлада личност која ви е наклонета. Овој месец бидете отворени за нова љубов.
Девица
Пред вас се денови кои можат да бидат исполнети со љубов или со богат социјален живот. Доколку сè уште не сте ја пронашле личноста од вашите соништа, обрнете внимание додека сте на работа. Некој колега можеби ги крие неговите чувства кон вас.
Вага
Во текот на овие денови ќе почувствувате дека вашиот љубовен живот конечно тргнал кон подобро. Нема да се двоумите да ги искажете вашите чувства доколку ви се допаѓа некој. Без разлика на провокациите, секогаш ќе бидете победник. Само бидете свои.
Скорпија
Доколку сте во врска, ќе ја обновите близината со партнерот на убав и нежен начин. Доколку сте сами, ќе ги искористите вашите интуиција и фантазија. Ќе ја измислите личноста од вашите соништа и постојано ќе мислите на неа.
Стрелец
Ќе бидете слаткоречиви со секој што ќе го сретнете. Ова е одлично доколку ви се допаѓа некој. Доколку сте во врска, целосно ќе исчезнат љубовните пречки и проблемите. Со голема надеж ќе влезете во подобра љубовна фаза.
Јарец
Додека вашиот партнер ќе го гледа светот низ розови очила, вие ќе бидете фокусирани на проблемите. Обидете се да го гледате позитивното во вашиот однос. Иако ќе бидете чувствителни и склони кон анализирање, вашиот живот сепак се подобрува.
Водолија
Влегувате во мирна љубовна фаза. Вашата врска почнува да наликува на сите останати, но вие сте среќни. Доколку сте сингл, можеби ќе ја пронајдете љубовта на спортски настан, или пак на работното место.
Риби
Љубовните проблеми ќе ги споделите со пријателите и ќе се чувствувате подобро. Некои тајни можно е да излезат на површина, па конечно ќе ви се разјаснат некои работи што ве загрижувале.
Прочитајте ја и суровата лекција што треба да ја научите до крајот на април според хороскопскиот знак.
