Претходно
Што се случува кога две Водолии ќе започнат љубовна врска?
Доколку некогаш сте биле заљубени во Водолија, знаете дека станува збор за многу посебна љубовна врска. Припадниците на овој знак имаат свој уникатен поглед кон светот, а нивната креативност ги надминува сите граници. Иако многу тешко се отвораат, трудот нема да биде залуден кога ќе успеете да ја освоите Водолијата. Но, што се случува кога двајца припадници на истиот знак ќе започнат врска? Многумина велат дека таквата љубов е осудена на пропаст, но поголема е веројатноста дека две Водолии сепак се подобри од една. Секако дека постојат одредени аргументи против таа љубовна врска, но караниците се неминовен дел од која било друга врска. Во продолжение прочитајте што се случува кога две Водолии ќе започнат љубовна врска…
Има многу недоразбирања
Водолиите се многу затворени што е разбирливо бидејќи сакаат да го заштитат нивното кревко срце кое многу лесно може да биде повредено. Тие ќе бидат ладни нема да ги искажуваат нивните емоции и поради тоа никогаш нема да знаат точно на што се. Водолиите исто така мразат кога некој не се согласува со нив, па ако нешто им пречи нема да го кажат тоа гласно туку ќе почнат да го игнорираат партнерот. Проблемот нема да може да се реши додека еден од нив не попушти, а тоа знае да трае долго.
Меѓусебно се мотивираат
Водолиите се многу одлучни и нема да се откажат додека не го добијат тоа што го сакаат. Бидејќи и двајцата партнери знаат точно што им треба, ќе можат да си ја дадат меѓусебната поддршка, мотивација и сила потребна за успех. Ништо нема да може да го сопре ова динамично дуо!
Имаат разбирање за меѓусебните потреби и желби
Водолијата во љубовта бара прифаќање, слобода и исполнети ветувања. Сѐ додека ги има овие работи, врската ќе може да опстане. Две Водолии во врска одлично го разбираат тоа бидејќи ги бараат истите нешта кај партнерот.
Нивната врска од страна делува многу покомплицирана одошто навистина е
Водолиите се многу независни и им треба простор. Поради тоа многу луѓе мислат дека тие повеќе сакаат да бидат сингл отколку во врска, но тоа не е вистина. Само припадник на истиот знак ќе може да ја разбере потребата на Водолијата од слобода и простор. Партнерите Водолии ќе можат да поминуваат време сами без да објаснуваат зошто, но и ќе уживаат во секој поминат момент заедно.
Можат да комуницираат без да изустат ниту еден збор
Водолиите важат за едни од најтивките хороскопски знаци. Тоа е така затоа што многу размислуваат и не сакаат да ги споделуваат нивните мисли со секого. Но, понекогаш знаат да бидат комуникативни и затоа многумина ги сметаат за контрадикторни. Две Водолии во врска ќе можат совршено да се разберат и без зборови.
Не се плашат да експериментираат
Зборот што најдобро ги опишува сите Водолии е „слободоумни“. Тие сакаат да пробуваат нови нешта, не затоа што тоа е модерно, туку затоа што се љубопитни. Можете ли да замислите како би изгледала таа љубопитност помножена со два? Две Водолии во врска секогаш први ќе ги пробуваат новите ресторани, ќе експериментираат во спалната и нема да се плашат драстично да ја менуваат фризурата. Тие поставуваат нови правила за љубовните врски и ги поместуваат границите на нормалата. Водолиите не ги следат трендовите, туку ги поставуваат самите.
