Претходно
Сексуална астролошка компатибилност: Бик и Стрелец
Бикот во Стрелецот гледа авантура и возбуда. Овие два знака се дефинитивно одлична комбинација за забава и дружење, а имаат и доста работи коишто можат да ги научат еден од друг. Делат слични идеи и цели во животот и на многу начини се надополнуваат. Стрелецот го привлекува сензуалноста на Бикот. Од друга страна, независноста на Стрелецот е многу привлечна за Бикот. Бикот ќе остане покрај Стрелецот и во добро и во лошо, а таа блискост Стрелецот ќе ја обожава.
Оваа комбинација ветува многу и има потенцијал да прерасне во куса или долга врска. Тие нема да забележат колку брзо и длабоко се вљубиле еден во друг. Бидејќи Бикот е сериозна личност, Стрелецот знае дека секогаш може да се потпре на него, па голема е веројатноста нивниот однос да остане пријателски, дури и ако нивната хемија исчезне. Во секој случај, двајцата можат многу да учат еден од друг и дефинитивно заслужуваат да си дадат шанса.
Маж Бик и жена Стрелец
Откако ќе се запознаат, ќе им бидат потребни неколку состаноци пред да се вљубат еден во друг, што е и тоа како возможно сценарио, со оглед на тоа што меѓу нив постои необјасниво моќна привлечност. Жената родена во знакот Стрелец секогаш ќе има потреба од многу слобода, и тоа Бикот треба да го има на ум, доколку сака работите да се одвиваат во вистинскиот правец. Мажот Бик секогаш ќе се стреми кон сигурност и посветеност, па на почетокот тоа може да ѝ звучи здодевно, па дури и малку застрашувачки на неговата партнерка. Но доколку таа му дозволи, тој ќе успее да ја приземји и да ја смири така што тие целосно ќе се надополнуваат. За возврат, таа ќе го инспирира.
На сексуален план, кај овој пар нема да изостане романтиката. Тие заеднички ќе искусуваат нови сексуално-спиритуални димензии.
Жена Бик и маж Стрелец
Ова може да биде комплицирана љубовна комбинација. Додека таа бара сигурност и рутина во секојдневниот живот, тој е независен авантурист, кој живее за моментот. Неговата искреност, а во некои ситуации и незаинтересираност, нема баш добро да одат во комбинација со една од нејзините најизразени особини – тврдоглавоста.
Но, она што е интересно за овие двајца, е тоа што караниците во секојдневниот живот им создаваат чудна хемија во креветот, па токму таму се доста компатибилни. На жената Бик особено ќе ѝ се допадне тоа што Стрелецот неуморно ќе ја следи секоја нејзина желба, а тој ќе ја цени нејзината способност целосно да ужива во секоја сексуална авантура која тој ја наумил.
