Претходно
Посесивноста им е второ име: Ова се 3-те најљубоморни хороскопски знаци
Иако во некои моменти сите сме совладани од чувството на љубомора, кај овие знаци тоа е карактеристика којашто преовладува. Тоа е многу често поради нивната несигурност, но исто така е резултат и на песимизмот на кој тие се склони. Следните три хороскопски знаци се најљубоморни во целиот Зодијак.
Јарец
И покрај фактот што преостанатите два знака се значително повеќе љубоморни, постои причина зошто Јарецот е на оваа листа. Имено, неговата љубомора најчесто се јавува кога тој е во врска, бидејќи припадниците на овој знак се многу несигурни во себе и тешко им е да му веруваат во својот партнер. Нивните мисли често ги водат во незамисливи сценарија заради кои помислуваат колку би било убаво да бидат во нечија туѓа кожа.
Скорпија
Скорпиите се многу посесивни личности кога се во прашање љубовта и пријателството. Кога ќе најдат добар пријател или пак, ќе се заљубат, тие сакаат да го поминат цел ден со таа личност и љубоморни им се на сите други на кои таа им обрнува внимание. Како и Јарецот, Скорпиите се многу песимистични, па им дозволуваат на нивните мисли да управуваат со нив, што е доста лошо.
Близнаци
Близнаците стојат цврсто на престолот на најљубоморните. Иако се чини дека се многу позитивни и отворени луѓе, тие се всушност многу завидливи кои честопати мислат дека другите не го заслужуваат тоа што го имаат и дека тоа треба да им припадне ним. Тие се склони кон озборувања и предрасуди, што произлегува исклучиво од нивното незадоволство од самите себе.
Автор: Антонина Велјановска
