Претходно
Подгответе се! Еве што го очекува секој хороскопски знак на новогодишната ноќ
Новата година се ближи и повеќето од нас веќе имаат некаков план, но да видиме што предвидува хороскопот за новогодишната ноќ…
Овен
Најдобро би било Новата година да ја дочекате на некое јавно место во вашата блиска околина. Доколку планирате новогодишната прослава да ја поминете во странство или на некое кратко патување, можеби и нема да си поминете како што очекувате. Женските припадници на овој знак лесно можат да запознаат некоја нова личност, која ќе ги заинтригира со својата ноншалантност и харизматична појава. Машките Овни потешко ќе комуницираат со спротивниот пол, па во тој случај се препорачува да ја поминете ноќта со личности кои добро ги познавате. Во текот на денот можно е да следи мал пад на енергијата, па не е препорачливо да претерувате со алкохолот.
Бик
Ќе бидете многу весели и оптимистични, полни со еуфорија и со самото тоа ќе бидете спремни новогодишната ноќ да ја поминете во некој ноќен клуб, на некоја луда журка, а можно е во текот на вечерта да посетите и повеќе локали. Некои Бикови ќе размислуваат за коцкање и новогодишна лотарија, а добивките се секако можни! Полни сте со позитивна енергија која лесно ја пренесувате на другите и сакате добра забава, па кој и да се најде во вашето друштво може да очекува извонредна вечер! Ако планирате да бидете со вашите сакани, ќе имате возбудливи заеднички моменти и ќе уживате со некој добар пијалак.
Близнаци
Можно е пред самиот дочек на новата година да почувствувате нервоза. Ќе ги собирате впечатоците од сите случувања од претходната година и ќе си создадете голем притисок врз самите себе за да направите некаква промена. Наместо да ги пресметувате идните трошоци во својата глава, обидете се да се опуштите и да уживате заедно со личностите кои ви се драги. Можеби нема да бидете расположени за големо друштво или за излегување, но затоа можете да уживате во семејната атмосфера или на некоја домашна журка на која ќе присуствуваат вашите долгогодишни пријатели. Запомнете дека не е сѐ во парите и дека треба да допуштите духот на празничното расположение да ве допре и вас.
