Претходно
Почеток на летото и долгодневица на 21 јуни! Како ќе ни влијаат планетите на овој ден?
Првиот ден од летото е во знакот на долгодневицата која ќе настапи на 21 јуни во 16 часот и 57 минути.
Од нашата гледна точка на северната хемисфера, Сонцето го завршува своето патување на север и се движи кон југ, носејќи ни лето. Оваа долгодневица навестува и тримесечен период за разбирање на односите и поврзување со луѓето на подлабоко ниво. На овој ден можеме да ја почувствуваме и нашата внатрешна врска со Мајката Земја и сето она што ја населува.
На денот пред долгодневицата, енергетската мрежа на планетата почнува да создава бранови на хармонија, мир и исцелување низ целата планета.
Овие хармонични фреквенции се задржуваат неколку дена, помагајќи ни да пристапиме до повисоки димензии и повисока свест. Еден од наједноставните начини да ја искористите оваа енергија е да поминувате повеќе време во природа.
Енергијата на Сонцето и планетите ќе ја подобри нашата интуиција и ќе ја зајакне нашата емоционална интелигенција. Оваа енергија може да биде и многу лековита бидејќи нè охрабрува да се залагаме за себе, да ги почитуваме нашите емоции и да останеме сигурни и силни во тоа што сме.
Јунската долгодневица го означува почетокот на летото, сезоната на светлината! Ова е време да ја соблечете наметката од стравови и да блеснете во полн сјај!
Нема повеќе задржување, нема повеќе мали игри. Време е да скокнете напред и да прославите за успесите што сте ги постигнале во текот на годината. Животот не е секогаш топол и сончев, но универзумот го носи најдолгиот ден во годината за да нè потсети дека секогаш има светлина на крајот од тунелот.
Иако работите може да изгледаат мрачни, оваа состојба е привремена. Секогаш постои начин повторно да се најде светлината, без разлика колку тешка и безизлезна се чини оваа ситуација.
Светлината повторно ќе светне и ќе нè потсети на убавината и благословите на животот. Кога Сонцето свети силно, можеме да почувствуваме и зрак на јасност како се движи низ нашите животи. Ние разбираме што е важно и на што навистина сакаме да го посветиме времето.
Поттикнати од Сонцето кое транзитира во Рак, ќе размислуваме за она што го движи нашиот дух и ја исполнува нашата душа.
Бидејќи сонцето сјае силно во најдолгиот ден, погрижете се да поминете време надвор во природа и да се поврзете со енергијата на создавањето. Бидете храбри, смели и креативни на овој ден. Направете нешто ново, пробајте нешто различно и запомнете дека светлината секогаш живее во вас.
Поврзете се со природата, проширете го вашиот ум и отворете ги вашите хоризонти. Дозволете прифаќањето да го надмине вашето битие. Почувствувајте ја љубовта на планетата кон вас и кон сите живи суштества. Поздравете ја оваа енергија и оставете љубовта да тече насекаде околу вас.
Следете го своето срце и препуштете им се на оние мали радости кои ве прават среќни и сакани.
Откако прочитавте за астролошкото значење на долгодневицата, можеби ќе сакате да прочитате и како ќе ни влијае сезоната на владеење на знакот Рак од 21 јуни до 22 јули.
Извор: atma.hr
