Претходно
Овие 4 хороскопски знаци мислат дека се супериорни над останатите
Обожаваат да го слушаат сопствениот глас, како и секогаш да бидат во право, дури и кога не знаат за што зборуваат и толку веруваат во својата совршеност, што всушност никој и не може да биде во право освен нив самите. Погледнете за кои хороскопски знаци станува збор.
Бик
Луѓето родени во овој знак се многу тврдоглави. Кога е докажувањето на нивното знаење и разбирање во сѐ и сешто во прашање, тогаш стануваат уште потврдоглави. Тешко ќе признаат дека не се во право и ќе направат сѐ за да ги уверат луѓето околу себе дека стојат покрај господин Сезнајко. Биковите често имаат големо знаење, па затоа и претпоставуваат дека никој не може да ги надмине. Многу се интелигентни, тоа е вистина, но ароганцијата и несериозното однесување оставаат лош впечаток врз другите.
Лав
Неговото величество Лав! Ретко кој знак е толку егоцентричен. Луѓето родени во овој знак едноставно обожаваат да го слушаат сопствениот глас. Тие очекуваат од другите да заборават сѐ што знаат, бидејќи тоа е „погрешно“ и да ги слушаат само нив – само она што тие ќе го кажат е вистина (така барем Лавовите мислат). За разлика од Биковите, Лавовите се повеќе театрални. Уживаат кога се во центарот на вниманието и не поднесуваат кога некој ги прекинува додека зборуваат, па макар тоа траело и траело. Тие не знаат за смирена, здрава расправија, бидејќи мора да победат во сѐ, па дури и кога немаат поим за што зборуваат. Заради тоа знаат да бидат и многу смешни.
Девица
Кога ќе дојде до расправија, луѓето родени во знакот Девица ќе направат сѐ за да победат нивните аргументи. Затоа, доколку се најдете во таа ситуација, најдобро е да се издигнете над нив и да ги оставите да мислат дека се во право, бидејќи инаку расправијата нема да заврши. Девиците сакаат многу да зборуваат, но знаат да бидат многу ограничени кога се во прашање фактите, односно согледувањето на широката слика на целата ситуација. Всушност, тие се ограничуваат самите себе, бидејќи длабоко се уверени дека секогаш се во право, па немаат ни потреба да согледаат нешто на поразличен начин. Тие се водат со мислата: „Зошто да губам време?“ Како и луѓето во знакот Лав, така и Девиците се многу горди. Попрво ќе се борат отколку да прифатат туѓо гледиште. Склони се кон совршенство, па така и самите за себе мислат дека се совршен пример на човек и никој не може да биде во право како нив.
Стрелец
Луѓето родени во овој знак се сметаат за „најголем светски авторитет за сѐ“. Многу се слободоумни и не сакаат кога некој ги ограничува. Кога некоја тематика ја познаваат добро, сметаат дека нема подобри од нив и не го прифаќаат фактот дека, иако знаат многу за одредени нешта, и понатаму од некој може да научат нешто ново. Па, доколку сакате да избегнете силна главоболка, не започнувајте ја со Стрелците тематиката поврзана со духовноста или патувањата – ќе зажалите.
Дознајте и кој хороскопски знак е вашиот најголем непријател.
