Претходно
Неговиот хороскопски знак може да ви открие која карактеристика ви е потребна за му да станете сопруга
Со текот на времето повеќето луѓе сакаат да ја пронајдат вистинската личност за себе и да стапат во брак со неа, а за многумина законската поврзаност со некого нуди дополнителна сигурност и удобност. Во некои култури сѐ уште постојат договорени бракови помеѓу мажот и жената, при што тие имаат многу мало влијание врз својот избор. За среќа, сè повеќе жени ширум светот имаат целосен избор во тоа со кој ќе стапат во брак. Најчесто девојките уште во раните години ја замислуваат својата венчавка од соништата и квалитетите кои треба да ги има нивниот сопруг. Како што минуваат годините може да им се менуваат и плановите, но сѐ уште знаат што бараат од нивниот иден животен сопатник.
Мажите пак, од друга страна, не се толку свесни што сакаат, сѐ додека не го имаат тоа крај себе. Ако тие не знаат што сакаат, тогаш за личноста која е заинтересирана за нив може да биде тешко да знае дали тој е токму оној вид човек кој ѝ треба. Пред да почнете да се опседнувате со мисли дали врската која ја имате ќе премине во брак, консултирајте се со ѕвездите. Астрологијата може да ви помогне да видите дали вашето момче бара сопруга, дури и тој да не го знае ова. Погледнете кои особини, според нивниот хороскопски знак, ги бараат мажите во потенцијалната сопруга, со цел да откриете во која насока оди вашата врска.
Овенот бара жена која е спремна на сѐ
Мажите родени во знакот Овен се жедни за авантура, па онаа која не може да го следи нивниот зафатен и авантуристички начин на живот, не е вистинската за нив. Овните сакаат силна и независна жена, спремна за какви било нови предизвици.
Бикот бара жена која има традиционални вредности
Биковите ги привлекуваат женствени личности, и на некој начин од нив бараат да имаат традиционални вредности. Не дека тие сакаат нивната сопруга да биде домаќинка, туку само да се грижи за домот, да го претвори во удобно место за живеење и да направи својот сопруг да се почувствува сакано.
Близнаците бараат интелигентна жена
Близнаците сакаат паметна жена со која ќе може да зборуваат и која ќе нема проблем со изразување на своето мислење. На мажите родени во знакот Близнаци им треба личност која постојано ќе ги предизвикува и нема да ги остави да им биде досадно.
Ракот сака жена со силен мајчински инстинкт
Постојат личности родени во знакот Рак кои немаат деца. Но, некои од нив и без тоа може да имаат силен мајчински инстинкт, а мажите родени во знакот Рак бараат жена која ќе направи да се чувствуваат сигурно и сакано.
Лавот бара неговата идна жена да биде самоуверена
Лавовите се големи, храбри и најчесто во центарот на вниманието. Ним им треба жена која ќе биде до нив и нема одеднаш да исчезне. Таа треба да биде сигурна во себе, па кога нејзиниот сопруг Лав ќе флертува по малку, не треба да биде љубоморна, затоа што тој е онаков каков што е.
Девицата сака да се ожени со чесна жена
Мажите родени во знакот Девица не поднесуваат лаги, па кога ќе стапат во брак ја сакаат вистинската жена до нив. Тие сакаат таа да биде директна, независна и точна, а да не покажува непочитување или нељубезност.
Вагата бара жена која е опуштена и толерантна
Карактеристично за мажите родени во знакот на Вага е тоа што тие бараат хармонија и баланс, па кога избираат партнерка за себе, не сакаат некоја која е агресивна или им се спротивставува. Тие сакаат опуштени и толерантни жени. Иако понекогаш на овие мажи може да им биде тешко да глумат во одредени ситуации, брачниот другар на Вагите треба да има големо трпение.
Скорпијата не може да одолее на сексуално самоуверена жена
Скорпиите се многу страсни личности, па ним им треба партнер кој може да ги следи и нема да ги прекршува нивните желби. Ако сте самоуверени кога станува збор за сексот, вашиот маж Скорпија ќе сака засекогаш да останете во неговиот живот.
Стрелецот сака неговата жена да се прилагодува на промените
Стрелците не ги прават истите работи секој ден. Ним им треба стимулација, а тоа подразбира нови места, нови луѓе и постојани промени. Ако им покажете дека лесно се прилагодувате и можете да се справите со промените, мажите во знакот на Стрелец во вас ќе препознаат жена со која ќе имаат возбудлив заеднички живот.
Јарецот сака жена ориентирана кон кариерата
Работата е исклучително важна за мажите родени во знакот Јарец, па тие истата посветеност сакаат да ја има и нивната жена. Тоа е логично, затоа што само некој сличен на нив може да ја разбере нивната посветеност на работата. Ако и вам кариерата ви е најважна на листата, најверојатно делите исти карактеристики со мажите Јарци: Независност, компетентност, доверливост и способност за решавање на проблемите.
Водолијата бара жени со слободен дух
Водолиите не бараат традиционални нешта, особено во нивната партнерка. Тие сакаат некоја што ќе биде своја, со свој начин на облекување, дејствување и размислување. Колку повеќе необични сте, толку повеќе ќе бидете интересни за мажите Водолии. Ако имате уникатен начин на согледување на работите, тогаш Водолиите може да го поминат целиот живот изненадени и фасцинирани од вашата личност.
Рибите ќе се оженат со добронамерни жени
Мажите родени во знакот Риби се нежни и љубезни, а тоа е и она што го бараат во нивната партнерка. Тие сакаат нивната сопруга да биде грижлива, да волонтира или пак, да спасува животни. Рибите се многу креативни и може да поминат повеќе часови фантазирајќи си, па затоа им треба некоја која ќе го прифати ова и на љубезен начин ќе ги врати во реалноста.
