Претходно
Најалчните хороскопски знаци и нивните добри страни
Научени сме дека несебичноста е клучна за среќен живот. Дека тргањето на вашето его и ставањето на туѓите потреби пред вашите е најдоброто нешто што можете да го направите? Ако сите би се откажале од желбата за материјални добра и би ги дале парите на сиромашните, тогаш можеби светот ќе стане поубаво место за живеење. Но, од друга страна, живееме во општество на потрошувачи. Општество кое постојано ни вели дека ни е потребно повеќе, од сè. Потребна ни е поголема плата, потребен ни е луксузен дом, скап автомобил, повеќе следбеници на Инстаграм… Па кој е вистинскиот одговор? Богатство или дарежливост?
Како и многу работи, хороскопот може да ни каже кои се најалчните луѓе според нивниот хороскопски знак. Овие знаци често ја преминуваат линијата кога сакаат нешто. Но, ова не ги прави лоши луѓе. Иако имаат способност да ве остават и измамат, нивната алчност има и свои предности.
Овен: Незапирлив земач
Овенот е првиот знак во астролошкиот календар. Кога тој сака нешто, ја користи секоја капка емоција за да го добие тоа. Овните се познати поради нивната нетрпеливост, прегазување на оние кои им стојат на патот и по тоа што оставаат вистински неред додека ги следат своите соништа. Кога нешто ќе им го привлече погледот, ништо друго не им е важно. Нема да престанат додека не го добијат тоа.
Но оваа енергија не е толку негативна колку што изгледа. Нема како Овенот да го помине животот а да не остави белег во светот. Нивната брзина прави вистински бранови околу нив. Па, ако имате Овен на ваша страна, тој ќе го претвори вашиот свет во свет којшто отсекогаш сте го посакувале. Но, ако имате нешто што тој го сака, бидете подготвени за „напад“.
Лав: Трагач по внимание
Нема подобро место на кое би бил Лавот освен на сцена, каде што публиката ќе го види во најдобро светло. Всушност, тој би ги турнал другите „изведувачи“ за да стигне дотаму. Лавот навистина напредува кога сите очи се вперени во него. Додека повеќето луѓе се срамат од камерата, Лавот веднаш се упатува кон неа и го дава најдоброто од себе. Неретко Лавот го краде вниманието што го имаат другите. Но најверојатно тој не е ни свесен за тоа. Едноставно, не може да ја чува својата неверојатност само за себе.
Ако сте биле „изгорени“ од Лав, можеби и не ви грижа дали има позитивна страна. Но, колку што бараат внимание, Лавовите се и толку дарежливи. Ако добијат нешто, секогаш ќе го поделат со другите. Ако некој ги пофали, тие секогаш ќе кажат кој им помогнал да стигнат до таму. Тие само сакаат да бидат личноста што зборува.
Јарец: Подмолен чувар на наградите
Јарецот е најмистериозниот знак на листата и неговата алчност е толку суптилна што може нема ни да ја забележите. Јарците ќе работат многу напорно за да ги направат нивните соништа реалност. Ќе поминат низ целата болка на светот за да го добијат она што го сакаат. Колку потешко, толку подобро. Тие навистина сакаат добар предизвик. Поради ова, тие се многу посесивни за наградите што ќе ги добијат. Работеле толку напорно што повеќето луѓе не можат ни да разберат, па затоа им е вистински проблем кога се присилени да поделат нешто.
Иако нивната алчна енергија може да ве полуди, Јарците се само алчни за нештата за кои работеле напорно. Овој знак не сака помош од другите. Тие се независни и не сакаат никој да им помага за да завршат нешто. Тие очекуваат секој да го има истото мислење за работењето. Па, можеби и би можеле да научиме нешто од нив.
Дознајте и кои се најманипулативните хороскопски знаци што ја користат оваа карактеристика за добро.
