Претходно
Младата месечина ќе има најголемо влијание врз овие 4 хороскопски знаци
Младата месечина изгрева на 20 јули и најмногу ќе влијае врз овие 4 хороскопски знаци. Ако сте еден од овие хороскопски знаци, земете длабок здив и бидете подготвени да издржите сè што ќе се случува затоа што младата месечина ќе ви предизвика вознемиреност.
Овен
За време на младата месечина ќе чувствувате фрустрирачка растргнатост помеѓу емоциите и реалноста. Сакате да ја насочите енергијата кон вашиот дом и кон семејниот живот, да ги излечите раните и да го направите вашиот приватен простор поудобна оаза, но се чувствувате немоќни да го направите сето тоа поради притисокот од работата. Потрудете се да создадете безбеден емотивен простор за да ги решите своите проблеми. Ќе мора да постигнете рамнотежа бидејќи вашите обврски не можат да чекаат. Одвојте време за да се поврзете со семејството, да пишувате во вашиот дневник или да го исчистите домот за да го направите поудобно место за живеење. Ќе имате уште многу време за да се справите со вашиот професионален живот.
Рак
Ќе бидете фрустрирани поради тоа што немате доволно време за себе. Ви треба слободно време за да им дадете приоритет на вашите потреби. Освен тоа, драмата во вашата врска не ви дозволува да се фокусирате на себе, но конфликтот и несогласувањата не се за ништо. Ќе научите вредни лекции за тоа како да функционирате во врската, па посветете му внимание на партнерот за време на младата месечина, но не заборавајте да разговарате и за вашите потреби.
Вага
Вие ќе почувствувате искра на инспирација и иницијатива кога станува збор за почнувањето нови проекти и за остварување на целите. Вашето срце сака да се фокусира на вашите професионални соништа, но ќе наидете на конфликти кога станува збор за одговорностите во вашиот дом. Ќе биде потребно да направите одредена жртва и да одвоите време да се справите со емотивните проблеми што се појавуваат. Во спротивно, тие ќе продолжат да ви ја трошат енергијата што сакате да ја насочите на други работи. Запомнете дека ова е само привремено. И покрај тоа што сте преплавени со идеи, преземете мали и практични чекори кон остварување на вашите цели наместо да правите големи чекори. Справувањето со ситниците ќе ви остави време да се справите со други лични работи, а тоа ќе биде голем напредок за вас.
Јарец
Ако сакате да ја спасите врската, ќе мора прво да поработите на себе. Решавањето на проблемите, како и градењето долготрајни односи со партнерот е многу важно за вас. Сепак, проблемите ќе продолжат да постојат, а вие треба да сфатите дека проблемот е можеби во вас. Бидете подготвени да го носите сопствениот емотивен багаж и да се развивате во врската за да знаете како да се справите со проблемите што се појавуваат. Кратенките се примамливи, но вие многу добро знаете дека тие никогаш не се толку сигурни како подолгиот пат што гарантира успех.
Прочитајте како се промени секој хороскопски знак од почетокот на 2020 година.
