Претходно
Месечен кинески хороскоп за март 2022 година: Доаѓаат нови предизвици!
Датум: 03 мар 2022
Коментари: 0
Кои знаци ќе наидат на нови можности, а кои треба да бидат претпазливи? Прочитајте во продолжение!
Стаорец (1924, 1936, 1948, 1960, 1972, 1984, 1996, 2008)
Овој месец ви претстојат неколку предизвици во поглед на вашиот однос со другите. Ќе наидете на проблеми и на канцеларија и дома. Иако се работи за навидум безначајни проблеми, сепак ќе морате да ги решите навремено. Не дозволувајте да ви го расипат расположението. Доволно е да размислите со трезвен ум кој е најдобриот начин да ги решите.
Вол (1925, 1937, 1949, 1961, 1973, 1985, 1997, 2009)
Бидете подготвени да се соочите со опаѓање на расположението. Понекогаш, ќе се јават моменти во кои ќе се чувствувате безволно и празно поради начинот на кој се одвива вашиот живот. Покрај тоа, можат да се јават непредвидени трошоци. Сепак, можете да се справите со сите промени. Пробајте да ја преиспитате вашата насока во животот и прифатете го сето она што ќе дојде. На тој начин ќе научите како да напредувате.
Тигар (1926, 1938, 1950, 1962, 1974, 1986, 1998, 2010)
Март ќе ви донесе напредок во кариерата. Конечно ќе ги утврдите вашите цели, а откако ќе го направите тоа, ќе ви биде полесно да се стремите кон нив. Сепак, не занемарувајте го вашето здравје – можни се помали респираторни заболувања. Подобро е да се спречи отколку да се лечи, па затоа внимавајте на исхраната и психофизичкото здравје.
Зајак (1927, 1939, 1951, 1963, 1975, 1987, 1999, 2011)
За вас, март ќе биде месец на промени, особено во поглед на вашата работа. Ќе се соочите со нешто ново и непознато што ќе ви биде голем предизвик. Доволно е да го прифатите предизвикот со позитивни мисли и да го претворите во можност за учење и развој. Тргнете кон иднината смело и насмеано!
Змеј (1928, 1940, 1952, 1964, 1976, 1988, 2000, 2012)
Вашата мотивација ќе опадне овој месец. Погрижете се да не заостанете зад другите така што ќе си направите распоред на работните обврски и, доколку е потребно, ќе побарате помош од колегите. Искористете го слободното време да се дружите со пријателите и семејството кои ќе ви бидат голема поддршка во овој период.
Змија (1929, 1941, 1953, 1965, 1977, 1989, 2001, 2013)
Конечно ќе ја добиете поддршката која ја баравте досега. Не плашете се да воспоставите нови познанства, одново поврзете се со старите и искористете го моментот кога ќе се појави можноста. Поставете си цел, но и план како да ја реализирате. Ќе сфатите дека кога имате јасна идеја, многу поголема е веројатноста да ја добиете поддршката од другите.
Коњ (1918, 1930, 1942, 1954, 1966, 1978, 1990, 2002, 2014)
Овој месец ќе се зголеми тензијата на работа. Внимавајте да не ја носите вашата фрустрација дома бидејќи тоа може да го наруши односот со вашите најблиски. Од друга страна, доколку сè уште не сте во врска, можеби ќе ја сретнете вашата сродна душа токму во овој период. Доколку сте во брак, односите и нема да бидат многу хармонични, но тоа е само поради моменталниот стрес на работа.
Коза (1919, 1931, 1943, 1955, 1967, 1979, 1991, 2003, 2015)
Март ќе биде одличен месец за вас. Очекувајте поволни промени во поглед на личните односи, богатството и кариерата, особено доколку претходно сте имале проблеми со нив. Позитивниот начин на размислување ќе ви донесе многу нови можности. Покажете добра волја кон оние со кои сте се расправале порано и можеби ќе откриете дека тие чекале можност да се помират со вас.
Мајмун (1920, 1932, 1944, 1956, 1968, 1980, 1992, 2004, 2016)
Ова е месец кога треба да бидете претпазливи бидејќи постои ризик од несреќи или проблеми со законот. Од друга страна, за да не дојде до евентуални проблеми со здравјето, фокусирајте се на здрави навики и здрава исхрана. Ќе сфатите дека тоа поволно ќе се одрази врз вашето целокупно здравје.
Петел (1921, 1933, 1945, 1957, 1969, 1981, 1993, 2005, 2017)
Март ќе ви биде прилично проблематичен период особено во поглед на вашиот однос со другите. Постои голема можност за несогласување со членовите на вашето семејство. На работа пак, ќе се појават поединци кои ќе се обидат да влијаат врз вашата положба. Не паѓајте на нивно ниво. Доволно е да одговорите со скромност и позитивност на нивните ниски обиди.
Куче (1922, 1934, 1946, 1958, 1970, 1982, 1994, 2006, 2018)
Март ќе ви биде еден од највозбудливите месеци во текот на оваа година. Ќе наидете на многу можности за професионален напредок и нови познанства. Останете посветени докрај на вашите цели. Сепак, понекогаш пред да кажете „да“ проценете дали таа можност навистина вреди за да го вложите вашето драгоцено време.
Свиња (1923, 1935, 1947, 1959, 1971, 1983, 1995, 2007, 2019)
Овој месец посветете го на личен раст и исцелување. Одвојте време за самоанализа, а тоа ќе ви помогне одново да ја најдете страста и мотивацијата. Бидете нежни, но решителни во поглед на одлуката засекогаш да им ставите крај на лошите искуства од минатото. Ставете се себеси на прво место и обидете се да уживате во животот.
Откако го прочитавте месечниот кинески хороскоп за март, можеби ќе сакате да го прочитате и големиот кинески хороскоп за 2022 година.
Извор: tatlerasia.com
