Претходно
Месечен хороскоп за март 2022 година во поглед на кариерата, љубовта и здравјето
Датум: 10 фев 2022
Коментари: 0
Вага
Обидете се да не се фокусирате на конфликтите за да не го нарушите односот со добар пријател. На работа сепак работите ќе се одвиваат добро бидејќи ќе имате можност да се опуштите, без рокови и притисоци. Сепак, за да се чувствувате дел од тимот, астролозите ви препорачуваат почесто да се вклучувате во друштвените активности со колегите. Бидете внимателни во поглед на финансиите, особено доколку размислувате за некакво инвестирање бидејќи постои можност за измама. Во март не се очекуваат нови познанства, но можно е неочекувано заживување на чувствата кои одамна се оладиле.
Скорпија
Март ќе биде идеалниот момент за драстична промена во вашиот живот. Доколку долго време размислувавте за промена на работното место или дури и земјата на живеење, тогаш ова е вистинското време. Сепак, месецот ќе биде успешен за оние кои работат во областа на земјоделството или прехранбената индустрија. Нема да бидете задоволни од финансиската состојба, но ќе имате доволно за задоволување на основните потреби. Во поглед на љубовта, не дозволувајте љубомората да доведе до проблеми и расправии. Ослободете се од стресот преку танц или вежбање.
Стрелец
Постои ризик да се соочите со финансиски проблеми во март. На работа, морате да бидете поодговорни и подисциплинирани бидејќи вашето редовно доцнење може да предизвика дополнителни проблеми. Од друга страна, март нема да биде поволен во поглед на започнување нова љубовна романса, па затоа ќе мора да се задоволите со друштвото на старите пријатели. Време е да ставите крај на консумирањето брза храна која може да доведе до влошување на стомачните проблеми.
Јарец
Еден од најглавните проблеми со кои ќе се соочите во март ќе биде постојаниот стрес. Од друга страна, семејството, пријателите и колегите ќе бидат уморни од вашите изговори и откако ќе го изгубат своето трпение, ќе се обидат да ве променат. Наместо да влегувате во расправии, обидете се да извлечете заклучок од целата ситуација. Месецот ќе биде поволен за оние кои се вработени во јавниот сервис бидејќи имаат шанси да стекнат нов пријател кој ќе им помогне во професионалниот развој. Првиот месец од пролетта ќе ви донесе и неочекуван наплив на чувства и емоции, па така ќе почнете да ја гледате со други очи личноста за која мислевте дека е само пријател.
Водолија
Во март ќе морате да ја искористите сета упорност за да ги постигнете планираните резултати. Од друга страна, не обидувајте се да ги користите пријателите за своите себични цели, за да не ве сметаат за личност без чест и совест. На професионален план ве очекува мала стагнација, така што секој проект ќе се одвива напорно и ќе ви одзема многу време. Ве очекува неуспех во поглед на романтичните врски, но доколку сте трпеливи во потрагата на сродна душа, можеби и ќе бидете наградени. Кога станува збор за здравјето, не занемарувајте ги стручните совети.
Риби
Конечно можете да се опуштите затоа што март ќе ви биде успешен период, особено доколку имате сопствен бизнис. Доколку размислувате, можете дури и да се посветите на нова деловна идеја, без да се плашите за вашата финансиска состојба. Март ќе ви донесе и ново познанство кое може да прерасне во нешто повеќе. Во рамките на семејството, држете се настрана од расправии и не давајте совети доколку не бидете прашани. Кога станува збор за здравјето, не заборавајте ја улогата што ја има детоксикацијата на организмот во одржување на имунитетот.
Откако го прочитавте месечниот хороскоп за март 2022 година, можеби ќе сакате да прочитате и каква лекција го очекува секој хороскопски знак во 2022 година.
Извор: sensa.mondo.rs
