Претходно
Марс во Јарец до 6 март – Дојде моментот да ги оствариме нашите цели!
Датум: 27 јан 2022
Коментари: 0
Транзитот на Марс во Јарец може да предизвика промени во бизнис плановите, во односот кон авторитетите и постарите лица, но ќе нè научи и да бидеме потрпеливи, практични и дисциплинирани. Сите овие особини ќе ни помогнат да го оствариме она што сме го замислиле. Негативните последици на овој транзит можат да се изразат преку недовербата, сомнежот, песимизмот и занемарувањето на туѓите потреби.
Сега е време јасно да ги дефинираме нашите цели и да се запрашаме што претставува успехот за нас. Планетата Марс која ги симболизира нашите постапки, енергија и начинот на кој ги реализираме нашите идеи, влезе во знакот Јарец на 24 јануари и ќе остане во тој знак сè до 6 март.
Постои голема можност да стигнеме до целта само доколку прибегнеме кон дисциплина и истрајност при реализација на зацртаните планови. Ова ќе ни овозможи подобро да се спознаеме себеси и да ја пронајдеме сопствената внатрешна сила. Од друга страна, овој процес ќе ни помогне да не се откажуваме кога се работи за нешто што ни е важно, и покрај сите пречки на кои ќе наидеме.
Покрај другото, овој период ќе имаме можност и да решиме некои стари проблеми, да се ослободиме од одредени стравови и ограничувања поради кои не можевме да го постигнеме она што го сакаме. Времето ќе покаже колку сме силни и дека не треба да брзаме туку да одиме чекор по чекор и да бидеме трпеливи.
Одговорноста, доследноста и подготвеноста да се движиме и покрај препреките, ќе нè однесе многу подалеку отколку што можеме да замислиме. Доволно е нашите цели да бидат реални и остварливи.
Прашањата што можеме да си го поставиме, а кои ќе ни помогнат подобро да ги дефинираме нашите цели се следните: Во што сме добри? Дали сме свесни дека ние сме водачи на сопствениот живот или сè уште ни треба потврда од некој друг?
Откако прочитавте за транзитот на Марс во Јарец, можеби ќе сакате да го прочитате и месечниот хороскоп за февруари 2022 година.
Извор: atma.hr
