Претходно
Кој ќе биде најсреќниот ден во 2021 година за секој хороскопски знак?
Оваа година беше многу непредвидлива, но, за среќа, во новата година може да очекуваме цела нова група среќни денови затоа што некои астролошки настани ќе доведат до особено поволни моменти. Прочитајте кој ќе биде најсреќниот ден во 2021 година за вас и обележете го во вашиот календар.
Овен: 26 март
Венера, планетата на љубовта, ви носи магија, романса и возбуда поради нов и пријатен почеток. Ќе ви се исполнат некои од најпосакуваните желби. Во 2021 година ве очекува целосно ново романтично патување. Очекувајте да почувствувате пеперутки во стомакот.
Бик: 17 јануари
Уран, планетата на промените, ќе патува низ вашиот знак цела 2021 година, продолжувајќи со темата на будење и инспирација во вашиот живот. Во јануари може да започне нешто ново и возбудливо во вашиот професионален живот. Вашата кариера може неочекувано да тргне во подобра насока на 17 јануари. Додека овие ненадејни промени може да бидат поразителни за некои, вие сте трпеливи и знаете како да ги искористите сите можности. Во текот на таа седмица, значително ќе бидат зголомени вашите амбиции и вашата мотивација.
Близнаци: 31 мај
На 31 мај, во средината на сезоната на Близнаците, ве очекува многу среќа и магија. Бидете подготвени да ги прифатите сите астролошки предности и да преземете чекори кон вашата судбина бидејќи среќата ќе биде на ваша страна тој ден.
Рак: 23 јуни
Непосредно по почетокот на сезоната на Ракот, астролошките настани ви носат оптимизам, дарежливост и среќа. Нептун и Венера (која е во вашиот знак на овој датум осветлувајќи го вашиот хороскопски знак со романса) ќе ви помогнат да ги активирате вашите најпријатни фантазии.
Лав: 13 јули
Подгответе се да почувствувате кулминација на магијата кога станува збор за романтиката и за креативноста. На овој ден започнува нов циклус во односите, што може да донесе многу свежа енергија во вашиот љубовен живот и повторно да ја заживее вашата креативност кога станува збор за страста. Вашиот љубовен живот ќе биде многу возбудлив, а задоволството и романтиката ќе ве чекаат на секој агол. Искористете го овој креативен поттик додека започнувате нов циклус.
Девица: 12 јули
Астрологијата ви носи нови можности во љубовта – ќе ви помогне да ги решите сите проблеми во врската и да го продлабочите вашиот романтичен однос. На 12 јули, вашата владејачка планета Меркур ќе формира хармоничен аспект со Јупитер во Риби, внесувајќи јасност, отвореност и длабочина во вашата комуникација во рамките на партнерствата.
Вага: 6 септември
Вашата владејачка планета Венера ги изнесува на виделина вашиот вкус за уметност и раскош, како и вашите романтични чувства, па кога ќе формира магичен аспект со Јупитер на 6 септември, тие чувства ќе претераат. Двете поволни планети ќе се усогласат во ваша корист на тој ден, ќе го зголемат вашето задоволство и ќе ви донесат романтична љубовна приказна од епски размери.
Скорпија: 17 ноември
На овој ден ќе се чувствувате како да можете целосно да ја искористите вашата моќ и ќе успеете да ја поврзете вашата сенка со вашето надворешно јас. Тоа ќе ви овозможи да ја претворите вашата болка во голема инспирација што може да ве трансформира. Марс и Венера ви носат дополнителна доза страст и задоволство тој ден, правејќи го совршен за остварување на вашите лични цели.
Стрелец: 21 мај
За време на пролетта, вашата владејачка планета Јупитер ќе го осветли вашиот емотивен живот и ќе ви донесе утеха и среќа. Астролошките настани ќе ја поттикнат енергијата во вашиот љубовен живот, а Сонцето, Венера и Меркур ќе се соберат заедно во вашата куќа на партнерствата. Ако сакате да направите некаков потег во вашиот љубовен живот, 21 мај е денот кога можете да изградите нешто што ќе трае долго.
Јарец: 23 август
На овој ден ве очекува успех во сè што ќе допрете. На работното место ќе се чувствувате длабоко поврзани со вашите професионални потфати и ќе извлечете голема вредност од вашите придонеси. Тоа ќе ја зацврсти вашата позиција, ќе ја подобри вашата креативност и ќе ви помогне да создадете кариерна патека што ќе трае подолго.
Водолија: 11 февруари
Ова е исклучително моќен ден полн со можности за вас. Време е да се ослободите од старата кожа и да се трансформирате целосно. Венера и Јупитер ви носат среќа, романса, задоволство, изобилство и раскош. Во текот на овој ден ќе наидувате на среќни можности на секој агол.
Риби: 21 јуни
Овој ден е ден за флерт, забава, креативни потфати и проширување на вашите хоризонти. Ниту една фантазија не ви е далеку од дофатот, па дозволете им на вашите чувства да излезат на површина и да го постигнат тоа што мислите дека е невозможно.
Прочитајте каков нематеријален подарок посакува да добие секој хороскопски знак од Дедо Мраз оваа година.
